LEXO PA REKLAMA!

SHKARKO APP

“Bëni gati kondicionerët për në fundjavë”/ Meteorologia: Temperaturat do të ulen, priten reshje bore

17 Nëntor 2023, 11:37, Sociale CNA
“Bëni gati kondicionerët për në fundjavë”/
Foto ilustruese

Sinoptikanja Lajda Proja ka bërë me dije se ditën e nesërme pritet që temperaturat të ulen ndjeshëm, ndërsa sot vendi do të përfshihet nga reshjet e shiut.

Meteorologia tha se pritet që në disa zona të ketë dhe reshje dëbore, duke theksuar se përgjatë këtij muaji kushtet e motit do të jenë të paqëndrueshme.

Reshjet kanë nisur. Parashikohet që gjatë natës të shfaqen edhe reshjet e dëborës. Do të kemi depërtim të masave polare, që do të zbresin deri në Ballkan. Nesër do të ketë rënie të temperaturave për shkak të masës polare, duke bërë që termometri të ulet më shumë. Sot reshje shiu, nesër temperatura tipike dimri.

Nëse nuk i kemi ndezur kondicionerët, këtë fundjavë do të ndizen patjetër. Reshjet nuk do të paraqesin problem, pasi do të jenë reshje me intensitet të ulët. Nesër parashikohet një erë e fortë, e cila do të shkojë në det të hapur 80, duke sjellë pezullim dhe trafik në det. Sa u përket vlerave minimale është -3 gradë në Has apo Bajram Curri.

Në Tiranë do të jetë në vlerën 5-6 gradë, por janë temperatura të ulëta për vjeshtën. Nëntori do të mbyllet me mot të paqëndrueshëm dhe me prezencë të shiut”, tha Porja./ CNA

Lajmet e fundit nga