web counter
LEXO PA REKLAMA!

SHKARKO APP

App Store
Google Play

Kur do të kemi përmirësim të motit?/ E zbulon meteorologu

13 Nëntor 2023, 09:14, Sociale CNA
Kur do të kemi përmirësim të motit?/ E zbulon meteorologu
Meteorologu Hakil Osmani

Meteorologu Hakil Osmani ka zbuluar se si do të jetë moti për këtë javë.

Sipas meteorologut deri ditën e mërkurë pritet të ketë kushte të paqëndrueshme atmosferike me vranësira, reshje shiu dhe kthjellime.

Ndërsa duke vijuar nga dita e enjte do të ketë një përmirësim të kushteve atmosferike me temperatura që shkojnë deri në 22 gradë celsius.

 “Kjo javë në fakt nisur me një mot më të qëndrueshëm, pritet të kemi sot edhe nesër alternime kthjellimesh, kalime  vranësirash, të cilat do jenë më të fokusuara në zonat malore. Pritet që ditën e mërkurë vranësirat do jenë më të shpeshta duke krijuar edhe mundësi për reshje shiu. Reshjet e shiut më të dukshme pritet të jenë në zonat veriore dhe pjesërisht në zonat qendrore, ndërsa jugu pritet të jetë në mbizotërimin e vranësirave, por reshjet do të jenë në sasi shumë të pakta.

Presim një përmirësim të kushteve të motit ditën e enjte dhe paraditen e së premtes, por pjesa e dytë e ditës së premte do jetë sërish me vranësira, duke pasur kështu mundësi për reshje shiu pasditen e së premtes dhe paradites së të shtunës, më pas do të jetë sërish diell. Temperaturat këtë javë do të arrijnë deri në 22 gradë celsius, që janë temperatura deri në 3 gradë më shumë se temperaturat që regjistrohen zakonisht gjatë vjeshtës”, tha Hakil Osmani./ CNA





Lajmet e fundit nga