E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

BA.2.75/ Çfarë duhet të mendojmë për këtë "super mutant" shumë ngjitës?

13 Korrik 2022, 16:11, Sociale Blerta BRATI

BA.2.75/ Çfarë duhet të mendojmë për këtë

Foto ilustruese

1. Ai po fiton terren në Indi dhe Shtetet e Bashkuara.

2. Virusi është BA 2.75, një nënvariant i Omicron.

3. Organizata Botërore e Shëndetësisë (OBSH) sapo e ka vendosur në një "listë të zezë".

Arsyeja? Sepse duket shume më ngjitës se paraardhësit e tij.

Ky i ashtuquajtur pasardhës i "gjeneratës së dytë" të BA.2, i vërejtur në Indi në fillim të qershorit, ka një profil mutacioni që po habit shumë ekspertë.

Ne të vërtetë duket se është në gjendje të përhapet më shpejt se paraardhësit e tij dhe të anashkalojë në mënyrë të shkëlqyer imunitetin - duke kundërshtuar efektivitetin e vaksinave dhe antitrupave të bëra gjatë infeksioneve të mëparshme.

Nga ana tjetër, ende nuk dihet nëse BA.2.75 do të shkaktonte efekte më të rënda se variantet e tjera të Omicron, në veçanti BA.5.

Ky variant i “gjeneratës së dytë” është i pranishëm në Indi, ku është i lidhur me valën e re të Covid-19, por edhe në Danimarkë, Gjermani dhe Mbretërinë e Bashkuar, si dhe në Kanada, Australi, Zelandën e Re dhe ne anen perendimore te Shteteve të Bashkuara.

Shkencëtarët janë gjithashtu të shqetësuar për numrin e lartë të mutacioneve që e dallojnë këtë variant të ri nga koronaviruset e vjetra (8 mutacione të reja krahasuar me BA.2).

Disa nga këto mutacione kanë të bëjnë me “proteinën spike”, me fjalë të tjera çelësin që lejon Covid-19 të hyjë në qelizat tona. Rezultati eshte qe këto ndryshime mund të lejojnë virusin "të lidhet në mënyrë më efektive me qelizat njerëzore".

Nga ana tjeter, BA 2.75 eshte vetëm një variant më shumë, që rezulton nga evolucioni natyror i virusit. BA 2.75 mbase është thjesht më ngjitës, por mbase nuk do të jetë me problematik për sa i përket virulencës.

Ndaj mbase nuk duhet te frikësohemi shume!

E vetmja pikë vëmendjeje:

"Duke qene se është më ngjitës, duket se është e nevojshme të vazhdohet me mbrojtjen e më të brishtëve"!