LEXO PA REKLAMA!

SHKARKO APP

App Store
Google Play

Drejtësia dështoi t’i mbronte/ Mbi 139 gra dhe vajza të vrara në 10 vite

10 Korrik 2022, 08:59, Sociale CNA
Drejtësia dështoi t’i mbronte/ Mbi 139 gra dhe vajza të
Foto ilustruese

139 gra e vajza, pjesa më e madhe me urdhër mbrojtjeje nga Gjykata, janë vrarë në Shqipëri përgjatë 10 viteve të fundit për shkak të marrëdhënieve familjare.

Sipas statistikave të Policisë së Shtetit, nga viti 2010 e deri në vitin 2019, numri i vrasjeve ka qenë mesatarisht me 11-12 vrasje në vit, përjashtuar vitin 2011, me 15 vrasje dhe vitin 2013, që shënuan një numër rekord, plot 17 gra u vranë nga partnerët e tyre.

Drejtësia dështoi t’i mbronte/ Mbi 139 gra dhe vajza të

Ndërsa vitin e kaluar, sipas INSTAT, nga 61 vrasje të regjistruara, 26,2 % e tyre kanë ardhur si rezultat i vrasjeve për shkak të marrëdhënieve familjare.

62,5 % e viktimave nga vrasjet për shkak të marrëdhënieve familjare janë gra, shkruan CNA.al.

Përgjatë vitit 2021, 13 gra kanë humbur jetën nga krimi në familje.

Shkaqet e vrasjes së tyre rëndom nënvizohet se janë xhelozia, problemet ekonomike dhe mospranimi i divorcit nga ana e partnerëve.

Në disa raste pas masakrimit të grave janë organizuar protesta nga shoqatat për mbrojtjen e grave. Por, gjithçka ka përfunduar aty dhe gratë e vrara kanë mbetur vetëm statistikë./CNA.al

Lajmet e fundit nga