Temperaturat e larta dhe pasojat në shëndet/ Mjeku tregon këshillat që duhet të ndiqni

6 Korrik 2022, 08:28, Sociale CNA
Temperaturat e larta dhe pasojat në shëndet/ Mjeku tregon
Leonidha Pepo

Prej ditësh vendi ynë është përfshirë nga temperatura ekstremisht të larta, duke u bërë një rrezik i shtuar, sidomos për njerëzit që vuajnë nga sëmundjet kardiovaskulare dhe moshat e treta.

Prandaj, është e nevojshme që të tregohet kujdes i shtuar për të shmangur pasojat negative.

Dr. Leonidha Pepo, kardiolog, ka dhënë disa këshilla se si ta përballoni sa më lehtë vapën.

Mjeku rekomandoi marrjen e sa më shumë lëngjeve dhe shmangien e orëve të pikut.

“Për shkak të temperaturave të larta, duke pasur djersë, duke hapur damarët, bie tensioni, humbin elektrolitet dhe ata që vuajnë nga veshkat iu rritet azotemia. Prandaj këta persona duhet të marrin lëngje, por me pak shije. Jo vetëm ujë. Duhet të merrni deri në një litër e gjysmë.

Duhet të marrim dhe elektrolitë, të cilat u duhen njerëzve për të zëvendësuar kripërat që humbin nëpërmjet djersës. Dieta duhet të jetë sa më e lehtë, të mbizotërojnë zarzavatet dhe lëngjet, ndërsa mishi me racion. Mishi i kuq influencon keq për sëmundjet e arterieve koronare.

Mishi i kuq i mbyll damarët, prandaj rekomandohet mishi i pulës dhe peshku”, tha mjeku.

Përveç regjimit ushqimor të shëndetshëm, kardiologu rekomandoi edhe aktivitetin fizik.

"Sa u përket personave që kanë bërë ndërhyrje në zemër, nuk duhet të bëjnë sforcime dhe të hidratohen mirë", tha ai./E.T.CNA.al 

 

Lajmet e fundit nga