“Digjet” Shqipëria/ Temperaturat arrijnë rekord sot dhe nesër

4 Korrik 2022, 09:36, Sociale CNA
“Digjet” Shqipëria/ Temperaturat arrijnë rekord sot dhe
Foto ilustruese

Shqipëria është përfshirë prej disa ditësh nga i nxehti afrikan.

Sipas meterologes, Lala Porja, temperaturat pritet të arrijnë rekord sot dhe nesër, ku termometri do të shënojë 41 gradë në shumë zona, kryesisht në qarkun e Elbasanit, Beratit. Edhe Gjirokastra do të shënojë temperature të larta.

Madje, edhe në zonat malore, Kopliku, Kukësi, Hasi do të regjistrojnë temperatura nga 37 deri 39 gradë.

Pak më freskët parashikohet që të jetë juglindja ku në Korçë priten vlerat 34 gradë.

Parashikohet që ky mot të na shoqërojë deri të premten, më pas pritet ndryshim i situatës pasi do të ketë depërtim të masave ajrore të një mase të ftohtë, e cila vjen nga Europa Lindore. Do të kalojë nga qendra e kontinentit dhe më pas do të zbresë në Shqipëri dhe në rajon duke sjellë rënie të menjëhershme të temperaturave.

Parashikohet që temperaturat të premten dhe në fundjavë të zbresin në të paktën 10 gradë, nga 41 gradë në 31 maksimalja në rang territori.

Për sa u përket reshjeve, pritet një periudhë e gjatë deri ditën e premte ku i gjithë territori do të përfshihet nga rrebeshe shiu më të theksuara në veri dhe veriperëndim të territorit ku nuk do të mungojnë edhe shkarkesat elektrike.

Fundjava do të jetë relativisht e freskët krahasuar me fundjavën e shkuar./E.T-CNA.al

Lajmet e fundit nga