web counter
LEXO PA REKLAMA!

SHKARKO APP

App Store
Google Play

Temperaturat e larta/ Si ndikojnë në shëndetin tonë

4 Korrik 2022, 08:30, Sociale Blerta BRATI
Temperaturat e larta/ Si ndikojnë në shëndetin tonë
Foto ilustruese

Lodhja, djersitja, vjellja, dhimbja e kokës, marramendja, vigjilenca e ulur, ngërçet, janë simptoma të zakonshme të lidhura me nxehtësinë.

Këto simptoma mund të jenë pararendëse të çrregullimeve më serioze: dehidratim, madje edhe goditje nga nxehtësia që mund të çojë në vdekje.

Nxehtësia ekstreme gjithashtu mund të përkeqësojë çështjet e shëndetit mendor si depresioni dhe ankthi.

Më pak drejtpërdrejt, rritja e temperaturave mund të ndikojë në shëndetin tonë përmes rritjes së ndotjes së ajrit. Temperaturat e larta “përzihen” bashkë me shkarkimin e gazrave të automjeteve, duke e kthyer atë në ozon dhe smog të dëmshëm të nivelit të tokës. Smogu shpesh përqendrohet në qytetet e mëdha, por problemet e cilësisë së ajrit mund të jenë po aq të rënda në zonat rurale dhe periferike.

Temperaturat ekstreme janë përgjegjëse për 5 milionë vdekje në vit, në rang global, sipas një studimi të 2021-shit!

Të dhënat e mbledhura në studim vijnë nga 750 ane në 43 vende.

"Ky është studimi i parë që hedh një vështrim global mbi vdekshmërinë e lidhur me temperaturat jo optimale midis viteve 2000 dhe 2019, periudha më e nxehtë që nga epoka paraindustriale," tha profesori Yuming Guo, bashkudhëheqës i studimit.

Studimi, është publikuar në revistën "The Lancet Planetary Health".

Tre rregullat:

1. Hidratohuni dhe freskohuni...!

Rregulli i parë i artë është i njohur: qëndroni të hidratuar. Nuk përsëritet kurrë sa duhet: është shumë e rëndësishme të pini të paktën dy litra ujë në ditë.

Është gjithashtu thelbësore të ftohni mjedisin tuaj për të djersitur sa më pak, për shembull duke vendosur peceta/copa të lagura përpara një ventilatori ose një dritareje.

2. Hani perime dhe fruta të freskëta dhe shmangni alkoolin!

3. Mbroni veten nga dielli dhe shmangni çdo lodhje fizike gjatë orëve më të nxehta! Shmangni çdo sforcim fizik gjatë orëve më të nxehta, midis orës 12:00 dhe 17:00.

 





Lajmet e fundit nga