Dy muaj pa ujë në shtëpi mes të nxehtit përvëlues/ Banorët e lagjes “1 maji” jetojnë si në mesjetë

6 Korrik 2022, 10:30, Sociale CNA
Dy muaj pa ujë në shtëpi mes të nxehtit përvëlues/
Foto ilustruese

Uji i pijshëm në këto ditë të nxehta është kthyer në një shqetësim për banorët e lagjes “1 maji” në Fier.

Prej gati dy vitesh uji i pijshëm në lagjen “1 maji” në Fier është ndërprerë totalisht.

Shqetësimin e tyre, banorët i kanë ngritur dhe në media ku thonë se pavarësisht situatës, ata vazhdojnë të paguajnë taksat në mënyrë të rregullt.

“Kemi dy muaj që unë s'kam pikë uji në shtëpi, këtë kam ankesë unë te bashkia që nuk vjen uji. Nuk e di problemin unë, por e di bashkia. Unë taksat i paguaj, me gjelbërim paguaj dhe më merr taksat kur nuk kam gjelbërim”, tha një banor i zonës për mediat.

“Kemi problemi me ujin, nuk kemi pikë uji. Kemi dy muaj me këtë situatë, po torturohemi. Faturat i kemi gjitha të paguara. Kemi shkuar në bashki si lagje dhe asgjë s'kanë bërë. Jemi në zero, asnjë pikë ujë s'kemi”, është shprehur një banor tjetër.

Ky është viti i dytë që banorët kanë këtë problematikë ku pavarësisht ankesave, situata nuk ka marrë zgjidhje./E.T-CNA.al

 

Lajmet e fundit nga