E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Ju ka lodhur intoleranca e bezdisshme ushqimore?

15 Korrik 2023, 19:25, Shëndeti CNA

Intolerancë ndaj një ose disa ushqimesh do të thotë që trupi jonë nuk është gjendje të pranojë,tolerojë,tresë atë apo ato ushqime si më parë.

Është mjaft e zakonshme të zhvilloni ndjeshmëri ndaj disa ushqimeve ndërsa ecni me vite.

Dëgjoj shpesh: - doktor, unë nuk mundem të shijoj përsëri këtë ushqim si më parë. Kam dhimbje barku, gazra e hera herës diarre, kapsllëk...

E kuptoj!

Në praktikën time, pacientët e mij shpesh pyesin nëse duhet të shmangin këto ushqime përgjithmonë.

Së pari, duhet të dimë pse intoleranca ndaj disa ushqimeve ndodh.

Faktorët e zakonshëm përfshijnë:

- Shëndeti i dëmtuar i zorrës, duke përfshirë çrregullimet e mikroflorës së zorrëve, lakrobacileve, baktereve të shëndetshme.

- Mangësi të lëndëve ushqyese, të vitaminave, mineraleve, ose enzimave kryesore. Mangësi janë të tilla pengojnë procesin e tretjes dhe metabolizmit të ushqimeve në mënyrë korrekte.

- Çrregullimet të hormoneve nga marrja e ilaçeve të tilla si kortizonikët, antacidet dhe kontraceptivët.

- Ekspozimi i tepërt i ksenotrogjenëve që gjenden në plastikë, kremra, locione, sapuna, shampo, parfume, llak flokësh dhe deodorizantë trupi e ambjenti.

- Përdorimi i tepërt i ilaçeve të tjera si antibiotikët që dëmtojnë mikroflorën e zorrëve, ose marrja e antacideve që mund të vështirësojnë tretjen.

- Predispozitë e trashëguar gjenetike ndaj ushqimeve të caktuara. Ashtu siç trashëgohen tiparet e jashtme apo të brëndhsme, trashëgohet edhe intoleranca ndaj produkte e të caktuara.

- Ekspozimi i tepërt ndaj një ushqim të veçantë. Kjo tenton të ndodhë vetëm kur pacientët e mij vuajnë nga lodhja fizike ose emocionale, si dhe ekspozimi ndaj toksinave mjedisore.

Nëse jeni duke u lodhur me intoleranca të shumëfishta ushqimore, kjo është një shenjë e qartë se shërimi thellësisht duhet të ndodhë!

Ky proces pothuajse gjithmonë përfshin një protokoll individual të pastrimit (detoksikimit) dhe balancimit të florës së zorrëve, hormoneve etj.

Një profesionist i mirë i shëndetit, mbështetet në teste funksionale e laboratorike (nuk kanë ndonjë vlerë praktike testet e shtrenjta) për të parë saktësisht se çfarë i duhet trupit tuaj dhe çfarë jo.

Bazuar në to hartohen protokolli i duhur i dietës si dhe pastrimi e zorrëve për të lejuar që sistemi juaj imunitar të pajtohet me ushqimet.

Sapo korrigjojnë ekuilibrat e zorrëve ose hormoneve, shumë nga pacientët e mi mund të hanë pa problem disa nga ushqimet e tyre të preferuara.

Kujdesuni për veten!