E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

Përse nuk pëlqehen bisedat rreth shëndetit?

14 Korrik 2023, 20:00, Shëndeti Ilir Allkja

Shëndeti është aseti më i rëndësishëm për jetën tonë pasi ai:

Nuk është një tur pushimesh në vendet më ekzotike të botës...

Nuk është moda më e fundit e veshjeve tuaja të preferuara....

Nuk është apartamenti apo vila luksoze e ëndërruar...

Nuk është makina e luksit që planifikoni të bleni....

Shëndeti nuk është thjeshtë një rutinë apo dëshirë, nëse doni të bëheni të shëndetshëm është 100% përgjegjësia juaj!

Ndërsa ju mund t'i transferoni pushimet, pronën, punën, makinën te të tjerët. Ju kurrë nuk mund ta transferoni sëmundjen apo shëndetin tuaj tek askush tjetër.

Ju jeni avokati juaj më i mirë i vetvetes, karrierës, pronës, por më kryesorja avokat i shëndetit tuaj, dhe rrallë e kryeni këtë funksion.

Asnjëherë nuk është vonë të jeni pjesëmarrës aktiv në mirëmbajtjen e shëndetin tuaj.

Marrja e përgjegjësisë për shëndetin tuaj është detyra e parë, më pas janë gjithë të tjerat!

30 vite më parë kur nisa të punoja si mjek, unë ju tregoja njerëzve se çfarë të bënin për një shëndet të mirë, për të mundur sëmundjen, për të përmirësuar parametrat e tyre jetësor.

Shpesh ata ktheheshin përsëri dhe përsëri tek ambulanca ime, pa bërë shumë përparime, duke kërkuar një recetë me medikamentet e tyre mujore.

Të them të drejtën, kurrë nuk i kam pyetur me të vërtetë pacientët e mi se çfarë mendojnë se do të funksiononte më mirë për ta, ose çfarë i pengonte ata të ndiqnin këshillat e mia.

Nuk kisha kohë të dëgjoja ankesat e tyre, pasi jashtë në korridor, pacientë të tjerë më prisnin dhe sinqerisht nuk kisha shumë eksperiencë si mjek.

Në fakt marrja e përgjegjësisë personale ndaj vetes dhe ndaj të tjerëve nuk është një barrë, në fakt është një bekim i madh!

Të jesh përgjegjës nuk do të thotë që je vetëm.

Është krejt e kundërta!

Ju prapë mund të merrni mbështetje, por ju, jeni në vendin e shoferit.

Tani puna ime duket krejt ndryshe. Unë kam rreth 30 vite përvojë në punë si mjek dhe e vlerësoj në maksimum pyetjen, ekzaminimin, trajtimin dhe ndjekjen e pacientëve të mi.

Unë rendis me kujdes në kartelat e tyre e gjithë faktet e parametrave jetësorë, ekzaminimet imazherike, rezultatet laboratorike, dhe bashkë-krijoj një plan shërimi me pacientët e mi.

Shkalla e suksesit ka ndryshuar në krahasim me vitet e para të punës sime, me të gjithë pacientët e mi:

Duke normalizuar peshën;

Rifitimin e energjisë së tyre;

Shërimin ose përmirësimin e sëmundjeve kronike.