E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

A mund ta shërojë muzika trupin?

13 Korrik 2023, 21:50, Shëndeti CNA

Provat shkencore mbështesin atë që shumica e adhuruesve të muzikës e kanë dyshuar prej kohësh, dhe na e kanë mësuar disa urtësi tradicionale: Dëgjimi i muzikës, mund të ketë efekte terapeutike dhe madje shëruese për mendjen dhe trupin e njeriut.

Dhe sipas studimit më të fundit të këtij viti, botuar në “International Journal of Complementary & Alternative Medicine” mënyra se si shëron muzika - dhe efektet pozitive që mund të ketë në gjendjen psikologjike apo edhe mirëqenien në përgjithësi - varen nga frekuenca.

Duke filluar nga 174 Hz, “frekuencat e solfezhit” - që kanë lidhje me mënyrën se si vibrojnë valët e zërit - janë quajtur prej kohësh “frekuenca shëruese”, sepse është parë se ato nxisin relaksimin, ulin presionin e gjakut dhe në disa raste veprojnë si një anestezik midis shumë përfitimeve të tjera.

Aftësia e ADN-së njerëzore për të absorbuar dritën ultravjollcë, ndikohet gjithashtu nga disa “frekuenca të solfezhit”, thekson hulumtimi, duke e lidhur atë me efekte shëndetësore pozitive. Sipas studimit të këtij viti, një frekuencë tjetër e solfezhit - 528 Hz - redukton hormonet e stresit si kortizoli, nxit prodhimin e hormoneve të kënaqësisë si oksitocina dhe e ndryshon mënyrën se si trupi i njeriut e përpunon alkoolin.

Tre elementë që ofrojnë vetëm përfitime shëndetësore. Por një aspekt tjetër i toneve me frekuence 528 Hz mund të ketë efektin më të drejtpërdrejtë mbi shëndetin tonë:rritja e specieve oksiduese reaktive (ROS) në tru.

Të lidhura me mënyrën se si qelizat njerëzore e metabolizojnë oksigjenin, nivelet e larta të ROS janë parë se e frenojnë zhvillimin e tumorit, dhe sipas “European Journal of Cancer”, mund të luajnë një rol në disa trajtime të kancerit.

Përveç trajtimit të mundshëm të kancerit, nivelet e larta të kortizolit në trup lidhen me një listë të gjatë të pasojave shëndetësore negative përtej emocioneve tona. Stresi i lartë mund të shkaktojë inflamacion, të dobësojë sistemin tonë imunitar dhe të shkaktojë çlirimin e sheqerit nga mëlçia jonë.

Ndërkohë rritja e niveleve të kortizolit, lidhet me presionin e lartë të gjakut, edhe pse mekanizmi ndikues nuk është kuptuar ende si duhet. Nga ana tjetër, nivelet më të larta të oksitocinës dhe nivelet më të ulëta të kortizolit - ndoshta të ndikuara nga frekuencat e solfezhit - ndikojnë shumë me tepër sesa thjesht mbi shëndetin tonë mendor.

Një sasi me e madhe e oksitocinës të prodhuar nga trupi, mund të sjellë një presion më të ulët të gjakut, më pak ankth dhe më pak stres. Po ashtu është parë se frekuencat e ndryshme të solfezhit, sjellin një sërë rezultatesh të tjera pozitive shëndetësore, duke sugjeruar se muzika mund ta shërojë vërtet trupin e njeriut.

Një muzikë me frekuence 174 Hz vepron potencialisht si një qetësues dhimbjesh dhe relaksues i muskujve. Prova të tjera sugjerojnë se ato në frekuencën 285 Hz mund të ndihmojë edhe në shërimin e plagëve dhe të promovojë rigjenerimin e indeve.

Po ashtu dëgjimi i muzikës çliron endorfinë dhe serotoninë në sistemin tonë, kimikate të lidhura me humorin që ndikojnë gjithashtu në zakonet tona të gjumit dhe të të ngrënit. Për arsye të përshkruara deri më tani por edhe të tjera, muzika përdoret gjithnjë e më shumë në një numër mjedisesh të kujdesit shëndetësor dhe mendor.

Përfitimet shëndetësore nga muzika, mund të merren edhe jashtë mjediseve klinike. Të dëgjuarit e muzikës vetëm, të mësuarit se si të luash një instrument apo ndjekja e një koncerti live mund të kenë efekte pozitive. Sipas studimit të botuar në ”Journal of Human Ecology”, terapia muzikore ka qenë pjesë e shoqërive tradicionale afrikane prej kohësh, dhe një temë e kërkimit shkencor empirik që nga fundi i shekullit XVIII-të thekson Shoqata Amerikane e Terapisë përmes Muzikës (AMTA).

Dr.Sanjaj Gupta thotë se ky hulumtim ka treguar se terapia muzikore ndihmon jo vetëm të folurit, por edhe aftësitë motorike, kujtesën dhe ekuilibrin, por edhe përmirësimin e humorit.

Nuroshkencëtari i ndjerë Oliver Saks thoshte:”Unë e konsideroj terapinë muzikore si një mjet me fuqi të madhe në kurimin e shumë çrregullimeve neurologjike - Parkinson dhe Alzheimer - për shkak të aftësisë së saj unike për të organizuar ose riorganizuar funksionin cerebral kur ai është i dëmtuar”./ Pershtatur nga CNA