web counter
LEXO PA REKLAMA!

SHKARKO APP

App Store
Google Play

E fundit!

x

Sa orë ushtrime fizike mund të “shpëtojnë” trurin

7 Korrik 2023, 08:38, Shëndeti CNA

Sa orë ushtrime fizike mund të “shpëtojnë”

Sot e dimë se sa i rëndësishëm është ushtrimi fizik për funksionimin e duhur të trurit dhe veçanërisht për funksionin kognitiv. Ndër të gjitha efektet pozitive që mund t'i ofrojë trupit tonë, një studim më i ri nxjerr në pah një tjetër avantazh, i cili ndodhet thellë brenda trurit.

Sipas një studimi më të ri, të botuar në “Stroke and Vascular Neurology”, stërvitja sistematike, ecja, noti, çiklizmi,kërcimi – mund të zvogëlojën humbjen e gjakut tek njerëzit me hemorragji intracerebrale, sipas një studimi nga Universiteti i Goteborgut.

Hemorragjia intracerebrale konsiderohet si një nga goditjet më të rrezikshme për trurin. Rreziku i pasojave të rënda nga gjakderdhja rritet me shtrirjen e gjakderdhjes.

Studimi analizoi të dhënat nga 686 persona të trajtuar për gjakderdhje intracerebrale në Spitalin Universitar Sahlgrenska në Goteborg nga viti 2014 deri në vitin 2019.

Ata që raportuan aktivitet të rregullt fizik të paktën katër orë në javë kishin dukshëm më pak gjakderdhje sesa ata që raportuan se ishin joaktivë.

Njerëzit më aktivë përjetuan gjakderdhje të reduktuar në të dy zonat e thella të trurit, të cilat shpesh shoqërohen me presionin e lartë të gjakut dhe zonat sipërfaqësore, të cilat shoqërohen me kushte të lidhura me moshën, si çmenduria.

Të gjithë ata që shtrohen në spital me një hemorragji intracerebrale të dyshuar i nënshtrohen një skanimi CT të trurit. Në varësi të ashpërsisë së gjakderdhjes, mund të kërkohet neurokirurgji. Megjithatë, në shumicën e rasteve përdoren metoda dhe medikamente jo-kirurgjikale për të menaxhuar simptomat dhe për të nxitur shërimin e pacientit.

Studimi hap rrugën për hetime të mëtejshme për hemorragjinë intracerebrale dhe aktivitetin fizik, përfundojnë studiuesit./ CNA





Lajmet e fundit nga