E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Virozat e stinës te fëmijët/ Mjekia pediatër infeksiologe, rekomandime dhe këshilla për prindërit

27 Qershor 2023, 21:41, Shëndeti CNA

Virozat e stinës te fëmijët/ Mjekia pediatër infeksiologe,

Pavarësisht se duket sikur periudha e virozave respiratore tashmë ka përfunduar, me ardhjen e stinës së Verës vihet re një shtim në raste i disa virozave të tjera sic janë ato gastrointestinale apo edhe të infeksioneve në lëkurë tek moshat pediatrike.

Prof.dr.Gjeorgjina Kuli, mjeke pediatër infeksiologe në Spitalin Hygeia na informon më shumë mbi problemet mjekësore më të shpeshta që prekin grupmoshat pediatrike kryesisht gjatë stinës së verës, si të njohim simptomat shoqëruese.

Mbi të gjitha mjekja vjen edhe me një sërë rekomandimesh & këshillash se si duhet të veprojnë prindërit në të tilla situata, si dhe në cilat raste duhet të drejtohen për ndihmë të specializuar mjekësore te mjeku pediatër.

Shpjegimi mjekes:

Tani jemi në stinën e verës dhe le të shohim se cila është sëmundshmëria ose infeksionet që prekin më shumë fëmijët në këtë stinë.

Pavarësisht se duket që virozat respiratore kanë përfunduar, në këtë stinë ne shohim disa viroza të tjera, të cilat bëhen shkak për sëmundshmërinë e fëmijëve. Normalisht dominojnë virozat gastrointestinale, pra ato që janë me diarre dhe të vjella, shpeshherë të shoqëruara edhe me temperaturë të lartë dhe grada të ndryshme të dehidrimit, të humbjes së lëngjeve te fëmijët, por edhe shumë infeksione në lëkurë.

Ajo çfarë kemi vënë re kohët e funsit, janë shtuar rastet me varicelë, pra me artë infeksion që njihet në gjuhën popullore “lija e dhëmbëve”, në të cilin fëmija ka puçrra të përhapura në të gjithë lëkurën. Ato fillimisht janë të mbushura si me lëng të qartë, pastaj kthehen në lëng të turbullt, por ajo çka prindërit duhet të kenë kujdes është që këto elemente në lëkurë mund të infektohen nga mbivendosja e infeksioneve të ndryshme dhe të japin situata që kërkojnë trajtim spitalor.

Një infeksion i rëndësishëm i kësaj stine dhe mund të them i këtyre javëve të fundit, mund të them eështë dhe infeksioni i shkaktuar nga disa viruse që quhen koksake. Është ngjitës, përhapen nga prekja, nga ushqimi, nga të qenit bashkë në një mabjent, si përshembull në fëmijët e kopshteve dhe çerdheve dhe japin atë që quhet sidomi dorë, gojë, këmbë.

Pikërisht në këto organe shfaqen puçrra të vogla, të kuqe, të cilat janë të përhapur kryesisht në duar, në pëllëmbët e tyre, në këmbë dhe në pjesën e gojës dhe brenda saj. Normalisht janë infeksione virale që shërohen, por nuk kanë mjekim specifik, thjeshtë duhet kujdesja me uljen e temperaturës, me mbajtjen e sisteminit të rehidrimit, pra të lëngjeve në trup me ruajtjen e lëkurës nga mbivendosja e infeksioneve dytësore.

Por gjithnjë duhet të jeni vigjilentë, se pavarësisht se jemi në stinën e verës, mund të kemi dhe infeksionme të tjera, të cilat nuk janë karakteristike për të, siç janë virozat respiratore, bronkiolitet, apo tonsilitet, pra infeksioni i qelbëzuar i bajameve, infeksioni i veshit, gjë për të cilat nënat duhet të jenë të kujdesshme dhe të drejtohen te mjeku i familjes apo te mjekët e tjerë pediatër për të marrë ndihmën e parë ndaj këtyre infeksioneve./ CNA.al