web counter
LEXO PA REKLAMA!

SHKARKO APP

App Store
Google Play

“Histori suksesi” / I shpëtohet jeta foshnjës dhe nënës që vuante nga probleme të rënda kardiake

9 Korrik 2023, 17:34, Shëndeti CNA
“Histori suksesi” / I shpëtohet jeta foshnjës dhe
Foto ilustruese

Një ndërhyrje e vështirë është realizuar nga mjekët e Maternitetit "Koço Gliozheni", në bashkëpunim me ekipin e Kardiokirurgjisë dhe Kardiologjisë të QSUT-së.

Mjekët kanë shpëtuar jetën e një foshnje dhe nënës e cila vuante nga probleme të rënda karidake.

Lajmin e ka ndarë në rrjetet sociale kryeministri Edi Rama.

““Kanë bërë një mrekulli” – i shpëtohet jeta foshnjes dhe nënës së re, e cila vuante nga probleme të rënda kardiake, pas një operacioni të vështirë, realizuar nga mjekët e Maternitetit "Koço Gliozheni", në bashkëpunim me ekipin e Kardiokirurgjisë dhe Kardiologjisë të QSUT-së

Grasjela ishte diagnostikuar hershëm me sëmundje kongenitale në zemër dhe një defekt intervertikular, i cili është korigjuar 20 vite më parë nga ekipi i Kardiokirurgjisë në QSUT, me diagnozë hipertension pulmonar residual. Sëmundja e nënës e kishte të kundërindikuar shtatzëninë, pasi rrezikonte në mënyre serioze jetën e saj.

Siç shprehen mjekët, rasti ishte shumë i vështirë, por ndërhyrja delikate e realizuar nga ekipi multidisiplinar dhe ndjekja e kujdesshme e të porsalindurit në Maternitetin “Koço Gliozheni” dhe të nënës së re më pas, në Shërbimin e Kardiologjisë, kanë shkuar mirë dhe sot, 24-vjeçarja është kthyer me fëmijën e saj në shtëpi.

Urime Prof.Asc. Saimir Kuçi, Prof.Asc. Alfred Ibrahimi, Dr.Astrit Ceka, Dr.Vezir Tena, Dr. Ervis Vata, Dr.Genci Hyska, Dr.Nordjan Xhindi, Dr.Marjana Naçi, Dr.Guriel Nasto dhe infermieret Elona Llupo, Ediola Meçe, Vjollca Seitaj.", shkruan Rama./ CNA





Lajmet e fundit nga