web counter
LEXO PA REKLAMA!

SHKARKO APP

App Store
Google Play

E fundit!

x

"Qejfi bahet me shkodranë"/ Mjeshtri Bujar Qamili në koncertin recital

22 Qershor 2025, 13:35, Qyteti im CNA

"Qejfi bahet me shkodranë"/ Mjeshtri Bujar Qamili në

Bujar Qamili artisti i madh dhe Nderi i Kombit  dhuroi emocione të forta dhe një natë magjike për publikun e tij të zemrës, në koncertin recital të mbajtur mbrëmjen e së shtunës në sheshin para Bashkisë Shkodër.

Nën moton “Qejfi bahet me shkodranë”, qindra qytetarë dhe turistë krijuan një atmosferë unike, duke kthyer këtë ngjarje në një festë të paharrueshme për Shkodrën. Por në shesh nuk mungoi as bejta shkodrane.

Koncerti zgjati për disa orë dhe solli në skenë emra të njohur të muzikës shqiptare: Artiola Toska, Shkëlzen Jetishi dhe Mateus Frroku, të cilët u pritën me duartrokitje të gjata nga një publik që nuk ndaloi së kënduari.

Në përfundim të koncertit, Bujar Qamili, Nderi i Kombit, falënderoi publikun shkodran për dashurinë dhe energjinë e jashtëzakonshme që i dhuroi gjatë gjithë mbrëmjes.

 

"Emocion jashtëzakonisht i madh. Nuk kisha parë ndonjëherë Shkodrën kaq shumë në një koncert. Idea që të bëjmë koncertin para bashkisë ishte më e mirë dhe doli për mirë. Pritje madhështore", u shpreh artisti.

 

Edhe këngëtarët e ftuar e cilësuan pjesëmarrjen në këtë koncert si një privilegj të veçantë, për të ndarë skenën me një emër të madh të muzikës shqiptare.

"Kënaqësi të jem mes Shkodrës. Me Bujar Qamilin, kjo është kënaqësia më e madhe. Unë jam rritur me këngë së pari gjakovare e së dyti ato shkodrane. Jemi dy qytete që kemi këngët tona dhe humorin tonë", tha këngëtari Shkëlzen Jetishi.

 

"Isha i lumtur të isha në Shkodër dhe dëshmitar i kësaj nate të madhe. Publiku shkodran është i vecantë dhe unë kthehem në shtëpi me një ndjenjë të vecantë për t’u rikthyer sërish”, u shpreh këngëtari Matues Frroku.

 

Kjo mbrëmje muzikore dëshmoi se Shkodra është jo vetëm qyteti i artit dhe kulturës, por edhe i mikpritjes dhe festës./ CNA





Lajmet e fundit nga