web counter
LEXO PA REKLAMA!

SHKARKO APP

App Store
Google Play

Veliaj inspekton Urën e Çerkezës/ "Për banorët e Zall Herrit shtohet një hapësirë e gjelbër"

25 Shkurt 2023, 12:07, Politikë CNA

Veliaj inspekton Urën e Çerkezës/ "Për banorët e

Kryetari i Bashkisë së Tiranës, Erion Veliaj, ka inspektuar ditën e sotme punimet në Urën e Çerkezës, në Zall Herr, për punën e bërë për rehabilitimin e saj.

Veliaj u shpreh se përforcimi i digës në Urën e Çerkezës, do të shërbejë si një hapësirë rekreative, në mënyrë që të frekuentohet nga banorët e zonës.
Sipas Veliajt, ajo do jetë një tjetër hapësirë e gjelbër për qytetarët, që ata të mos kenë nevojë të shkojnë deri te Parku i Liqenit Artificial apo te Parku i Liqenit të Farkës.

“Përforcimi i digës së Çerkezës ka potencialin që, përveçse si rezervuar që ndihmon vaditjen e tokës bujqësore, të jetë edhe një hapësirë e jashtëzakonshme për park, si në Farkë. Pra, të kthehet në një hapësirë rekreative dhe të gjelbër për qytetarët. Pra, hapi i radhës, tani që u bë rruga, u bë ura, u bë argjinatura, u bë edhe diga, është të sigurohemi që ta përdorim edhe si një park për komunitetin. Rritja e Tiranës është e pashmangshme, prandaj gjasat janë që brenda një dekade, kjo zonë të jetë zona tjetër që do të popullohet”, u shpreh Veliaj./CNA.al





Lajmet e fundit nga