LEXO PA REKLAMA!

SHKARKO APP

Ankohet qytetarja me bindje të majta/ "Në zyrat e Erion Veliajt nuk të pret njeri"

25 Shkurt 2023, 11:02, Politikë CNA

Ankohet qytetarja me bindje të majta/ "Në zyrat e Erion Veliajt

Belind Këlliçi vijon turin e takimeve “Jam këtu t’ju dëgjoj” për problematikat e përditshme të qytetarëve të Tiranës.

Qytetarët janë ankuar te kandidati i PD-së për Bashkinë e Tiranës, për mungesën e ndriçimit publik, rrugët e prishura, mungesën e gjelbërimit, trafikun, ajrin apo dhe korrupsionin.

Një qytetare me bindje të majta, shprehu shqetësimin e saj për kreun aktual të Bashkisë së Tiranës, Erion Veliajn, pasi ky i fundit nuk i pret njerëzit për shqetësimet e tyre.

“Ne jemi bashkëqytetarë pavarësisht opinioneve politike që kemi. Problemet e përditshme të Tiranës i kemi bashkë. Në sportelet e shërbimeve presim njëlloj gjatë. Mungesa e ndriçimit publik na le në terr njëlloj. Rruga e prishur është e prishur për të gjithë. Mungesa e hapësirave dhe gjelbërimit është mungesë për të gjithë. Korrupsioni na vjedh njëlloj. Trafiku, ajri dhe uji i ndotur na dëmtojnë njëlloj. Ne jemi të barabartë edhe më 14 maj. Kemi secili vetëm një votë.

Ta përdorim për t'u bashkuar! Të mos ndahemi!

Do të qëndrojmë siç jemi apo do të shohim përpara?”-shkruan Këlliçi në një video të publikuar në rrjetet sociale./CNA.al

 

Lajmet e fundit nga