web counter
LEXO PA REKLAMA!

SHKARKO APP

App Store
Google Play

E fundit!

x

"Nuk e bojkotojmë parlamentin"/ Paralajmëron Berisha: Nuk do të ndalet revolucioni

25 Shkurt 2023, 10:43, Politikë CNA

"Nuk e bojkotojmë parlamentin"/ Paralajmëron Berisha: Nuk do

Kreu i PD-së, Sali Berisha, po zhvillon një takim me strukturat në Tepelenë.

Berisha falënderoi pjesëmarrësit për mikëpritjen me përulësi para demokratëve për ndihmesën dhe kontributin e të gjithëve përballë monizmit të dytë të vendosur në Shqipëri.

Berisha tha se monizmi i dytë është vendosur nga një grup individësh, pa asnjë interes shoqëror e kombëtar, por vetëm interesin e pasurimin e shfrenuar të tyrin.

Berisha tha se opozita nuk do ta bojkotojë parlamentin, por revolucioni do të vijojë deri në fund në përmbysjen e regjimit dhe nuk do ndalet.

"Ju falënderoj përzemërsisht për këtë pritje vëllazërore. Përulem me nderim të madh para secilit prej jush në këtë përpjekje të dytë të madhe, ku po përballemi me monizmin e dytë, të vendosur në Shqipëri nga një grup i rilindjes!

E vërteta është se ky grup nuk ka asnjë interes shoqëror apo kombëtar. Ata kanë vetëm një interes: pasurimin e shfrenuar në kurriz të çdo shqiptari.

Pra, ne vijmë në këtë fushatë elektorale, në kushtet e monizmit njësoj si në vitin 1991.

Edi Rama ka mbërthyer të gjitha pushtetet. Ju e shihni se si përdoret parlamenti sot. Në mënyrën më të shëmtuar, në mënyrën më antikushtetuese, më banditeske. Bëhet gjithçka që ne të largohemi nga parlamenti. Por ne nuk do ta bojkotojmë parlamentin, nuk do ta dorëzojmë sepse nuk duam që interesat tuaja të pushojnë së mbrojturi në parlament.

Njësoj si në vitin 1991, ne jemi në një revolucion, sigurisht nuk ka revolucion ku merr pjesë shumica, sepse shumica nuk bëhet misionare, misionarë bëhen idealistët. Revolucionet i bën pakica, fitoren e firmos shumica.

Një nga rrafshet më kryesore të revolucionit është që kandidatët tanë të jenë fitimtarë në Tepelenë, Përmet, Këlcyrë, Gjirokastër. Qëllimi ynë është që shqiptarët të votojnë të lirë.

Ne do bëjmë gjithçka për përmbysjen e këtij regjimi. Fakti është se i ka varfëruar shqiptarët në këto 9 vite me një shpejtësi marramendëse, vetëm e vetëm duke i vjedhur," u shpreh kreu i PD-së./CNA.al





Lajmet e fundit nga