web counter
LEXO PA REKLAMA!

SHKARKO APP

App Store
Google Play

“Të bindur në fitore”/ Meta: Në 14 maj çelet rruga për ndryshimin për të ardhmen

25 Shkurt 2023, 10:27, Politikë CNA

“Të bindur në fitore”/ Meta: Në 14 maj çelet

Kreu i Partisë e Lirisë, Ilir Meta, ka zhvilluar një takim me banorët e Laknasit në Tiranë.

Gjatë bisedës me ta, ka vënë në pah vështirësitë ekonomike me të cilat po përballen sot qytetarët.

Në krah të kandidatit të Primareve, Arjan Hoxha, Meta shprehet i bindur për një fitore të sigurt në Bashkinë e Kamzës  më 14 maj, duke hapur sipas tij rrugën e ndryshimit për të ardhmen.

“Së bashku me kryebashkiakun e ardhshëm të Kamzës, Arjan Hoxha dhe Kryetarin e Partisë të Lirisë, Faik Bashën zhvilluam një bashkëbisedim të përzemërt me komunitetin e Laknasit.

Rritja e kostos së jetesës, mungesa e transparencës nga bashkia për menaxhimin e buxhetit dhe taksave ishin disa nga shqetësimet e tyre.

Importimi i drejtorëve nga jashtë bashkisë dhe mungesa e lidhjes të tyre me komunitetin dhe shqetësimet e tij ishin një tjetër shqetësim.

Ndamë besimin e plotë se fitorja e Bashkisë Kamëz do të jetë ndër më të thellat në 14 maj dhe do të çelë rrugën e ndryshimit për të ardhmen duke rivendosur llogaridhënien dhe interesin e qytetarëve të parin pa dallime partiake”,  është shprehur Meta./CNA.al





Lajmet e fundit nga