web counter
LEXO PA REKLAMA!

SHKARKO APP

E fundit!

x

“Bulqiza, pasuria më e madhe e shqiptarëve”/ Berisha, akuza Ramës për vjedhje

24 Shkurt 2023, 18:28, Politikë CNA

“Bulqiza, pasuria më e madhe e shqiptarëve”/ Berisha,

Kryetari i Partisë Demokratike, ka ngritur sërish akuza ndaj kryeministrit Edi Rama gjatë fjalimit që mbajti në ceremoninë e 32-vjetorit të themelimit të PD-së së Bulqizës.

Berisha tha se Bulqiza është pasuria më e madhe e shqiptarëve, por pretendon se qeveria e Edi Ramës po i vjedh paratë e shqiptarëve.

“Edi Rama nga mëngjesi deri në darkë nuk ka asnjë synim, vetëm të ju mashtrojë ju në mënyrë që të vazhdojnë të vjedhin. Nëse i hidhni sytë sot Shqipërisë, u them unë ju pasuria më e madhe e shqiptarëve përsëri ndodhet në Bulqizë edhe pse janë nxjerrë miliona e miliona ton krom. Ndodhet në Bulqizë, në Martanesh.

Hidhni sytë këto vite, sikur dilni nga një luftë. Rrugë të shkatërruara, qendra shëndetësore, shkolla të mbyllura. Koha ka ndaluar për ju njerëz punëtorë, të mençur me intelektualë të fuqishëm, me potenciale të mëdha, sepse edhe rentën e hoqi. Sepse oligarkët i paguan atij ryshfetin, ua hoqi edhe rentën që duhet ta përfitonit me ligj për qytetin tuaj, për infrastrukturën tuaj.

Nuk vazhdohet me këta. Këta nuk kanë shpirt, ndjenja. Po si mund të mendojnë për fëmijët në Ostren, apo në ndonjë fshat tjetër, ai që ulet dhe drekon me armikun, me armikun e SHBA-së. 10 mijë dollarë darken”, theksoi kryedemokrati./ B.A. – CNA.al

 





Lajmet e fundit nga