web counter
LEXO PA REKLAMA!

SHKARKO APP

App Store
Google Play

Një vit luftë dhe agresion në Ukrainë/ Vërshojnë mesazhet nga politika shqiptare

24 Shkurt 2023, 10:34, Politikë CNA

Një vit luftë dhe agresion në Ukrainë/ Vërshojnë

Sot shënohet 1 vit, nga nisja e luftës në Ukrainë.

Politika në Shqipëri, ka dhënë mesazhe, duke vlerësuar rezistencën e popullit të Ukrainës dhe duke dënuar ashpër pushtimin rus.

Kryeministri Edi Rama, në mesazhin tij, shkruante se populli ukrainas po mbron heroikisht vlerat e panegociueshme të lirisë, demokracisë, sovranitetit.  

Kryetarja e Kuvendit, Lindita Nikolla, ka konfirmuar, se Shqipëria vijon të mbështesë fuqimisht luftën e drejtë të Ukrainës për të mbrojtur lirinë, sovranitetin dhe tërësinë territoriale.

Një vit luftë dhe agresion në Ukrainë/ Vërshojnë

“Një vit pas sulmit ushtarak të Rusisë  kundër Ukrainës, Shqipëria vijon të mbështesë fuqimisht luftën e drejtë të Ukrainës për të mbrojtur lirinë, sovranitetin dhe tërësinë territoriale.  Me Rezolutën e Kuvendit, mbështetjen financiare, humanitare dhe ushtarake si vend anëtar i NATO-s, pritjen e të shpërngulurve dhe kontributin si bashkëpenëmbajtëse me ShBA në KS të OKB dhe unifikimin e qëndrimeve me BE, jemi në krye të përpjekjeve të botës së qytetëruar për mbrojtjen e një vendi sovran. Slava Ukraini!”, shkruan Kryetarja Nikolla.

Një mesazh ka dhënë sot edhe kryebashkiaku i Tiranës, Erion Veliaj.

Një vit luftë dhe agresion në Ukrainë/ Vërshojnë

Ai i ka ftuar, qytetarët që sot të bëhen pjesë e manifestimit në mbështetje të qëndresës heroike të popullit ukrainas ndaj makinerisë ruse.

“24 shkurti shënon një vit nga nisja e luftës së Rusisë ndaj Ukrainës! Tirana solidarizohet me të drejtën e çdo qytetari ukrainas për të qenë i lirë. Ju ftoj të jemi bashkë gjatë manifestimit, në mbështetje të qëndresës heroike të popullit ukrainas kundër agresionit rus. JEMI ME JU!

Ora 12:00, rruga “Ukraina e Lirë” – Bashkia Tiranë”, - shkruan Veliaj në rrjetet sociale./CNA.al





Lajmet e fundit nga