web counter
LEXO PA REKLAMA!

SHKARKO APP

App Store
Google Play

Meta bën si i ofenduar nga SPAK/ U zhgënjeva se më morën në pyetje për dosjen ÇEZ-DIA

23 Shkurt 2023, 21:26, Politikë CNA

Meta bën si i ofenduar nga SPAK/ U zhgënjeva se më morën

Kryetari i Partisë së Lirisë, Ilir Meta, ka bërë si i ofenduar nga SPAK, i cili e mori për rreth tre orë në pyetje për dosjen ÇEZ-DIA.

Meta tha në një intervistë me Ylli Rakipin se para se të shkonte në SPAK mendoi se e kishin thirrur në cilësinë e kallëzuesit.

"Kjo çështje është hapur, rihapur dhe nuk ekziston fare ajo çështje me mua. Politikisht është hapur sa herë ka ndonjë krizë Rilindja. Konkretisht, unë kam deklaruar publikisht sa herë jam pyetur, sa herë SPAK dhe drejtësia, do të më thërrasë, unë do të jem atje dhe do të jem shumë transparent me opinionin, qytetarët dhe gjithçka.

Rasti konkret, ka qenë një ftesë për një çështje që nuk e kisha idenë, që ka katër vjet si çështje që është hapur. Unë nuk merrem me protokollin e SPAK. Unë mendova se isha thirrur në cilësinë e kallëzuesit. Arritjet që krenohet SPAK, janë kryesisht provat tona që kemi çuar. Unë mendova se kemi çuar shumë kallëzime, sidomos në kohën kur kam qenë President i Republikës, më kanë thirrur për këto”, u shpreh ai.

Kreu i PL-së, deklaroi më tej se u zhgënjye se përse SPAK i mori dëshmi në cilësinë e deklaruesit.

“Kisha një zhgënjim sepse mendova se më kishin thirrur për disa firma që u kanë kushtuar qindra miliona euro të qytetarëve.

Isha në cilësinë e deklaruesit. Më pyetën përshembull a e njihni “Hasan Hysenin”, filanin, I thashë më tregoni një fotografi se unë vetëm një deputet njoh me këtë emër…", deklaroi Meta./ CNA.al





Lajmet e fundit nga