web counter
LEXO PA REKLAMA!

SHKARKO APP

App Store
Google Play

E fundit!

x

Përjashtimi nga Kuvendi/ Spaho: Është përgjegjësia jonë të ngremë zërin

23 Shkurt 2023, 21:03, Politikë CNA

Përjashtimi nga Kuvendi/ Spaho: Është përgjegjësia

Deputeti i Partisë Demokratike Edmond Spaho ka folur lidhur me përjashtimin e tij nga seanca parlamentare.

Në një intervistë për mediat ai është shprehur se është detyra e opozitës që të ngrejë zërin në parlament dhe të protestojë.

Ai tha se 44 deputëtë kanë firmosur për krijimin e Komisionit Hetimore tashmë kanë kaluar 6 javë dhe ai ende nuk është krijuar ende.

“Ne jemi 44 deputetë që kemi firmosur dhe duhet ta kishte krijuar. Kanë kaluar 6 javë dhe s’ka për ta krijuar. Ne kemi vendosur protestë kombëtare, para parlamentit dhe në parlament. Në këtë kuptim po i kundërvihemi pezullimit të Kushtetutës nga kryeministri sepse nuk e zbaton.

Pezullimi i Kushtetutës do të thotë grusht shteti. Sot grushtet e shtetit nuk i bën dot me ushtri por në këtë formë duke nxjerrë jashtë loje institucionet. Ka ndonjë pushtet që s’e ka kapur?

Ne parlamentin nuk do ta lëmë të funksionojë normalisht sa kohë nuk plotëson kushtin për të ngritur komisionin hetimor si dhe pikën për seancën për pyetje përgjigje që kemi kërkuar. E gjithë lufta që bëmë në parlament nuk pati vlerë sepse diktatori vazhdon me mendjen e tij. Nuk do ta lëmë derisa të na hipë në qafë. Është përgjegjësia jonë që të ngremë zërin. T’i biem bilbilit, të dalim në protestë, të thyejmë dhe karriget në parlamentë, tha ai./ CNA.al

 





Lajmet e fundit nga