E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Afera 414 milionë euro/ Meta del nga kontrolli, sulmon SPAK-un

22 Shkurt 2023, 13:27, Aktualitet CNA

Pas marrjes në pyetje në SPAK, Ilir Meta është përgjigjur me nervozizëm ndaj gazetarëve.

Ndërsa fliste për qetësi dhe dashuri, përçonte nervozizëm dhe dalje nga kontrolli herë pas here.

Në një prononcim për mediat ai ka thënë se për çështjen ÇEZ-DIA është pyetur në vitin 2015.

“Mendoj se kam dhënë sqarim shterues që në 2015. Së pari Meta nuk ka asnjë lidhje me procesin e privatizimit të Çez. Meta nuk ka asnjë marrëveshje me Çez-Dia.

Kur isha minister ekonomie Çez nuk mori asnjë lek nga qeveria. Kjo marrëvshje është bërë kur Meta nuk ka qenë ministër i ekonimisë ajo që mund t’ju them është nuk ekziston asnjë fakt ose dokument që Ilir Meta të këtë favorizuar”, tha Meta.

Ai ka thënë se udhëzimet për t’u pyetur nga SPAK-u janë dhënë nga kryeministria, Endri Fuga, dhe Kongresi i Partisë.

“Ju e dini se kush i ka dhënë udhëzimet që të thirret Meta në SPAK. Ka marrë urdhër nga partia. Ilir Meta është i hapur të përgjigjet për çdo gjë”, është shprehur Meta.

Kujtojmë këtu se afera ÇEZ–DIA, i ka kushtuar shtetit një dëm përj 414 milionë eurosh.

Për këtë dosje është dënuar Kastriot Ismailaj. Në vitin 2017 me 11 vite burg për “mashtrim me pasoja të rënda” dhe “pastrim të produkteve të veprës penale”.

Gjykata ka urdhëruar edhe sekuestrimin e 5 milionë eurove. Ai ishte administrator i kompanisë DIA, e ngarkuar për mbledhjen e borxheve të ÇEZ, ku u përfshi në një skemë mashtrimi, duke shkatërruar edhe raportet mes shtetit shqiptar dhe ÇEZ, me kosto të madhe për buxhetin e shtetit.

Ai u arrestua në 12 maj të vitit 2015 nga Sektori i Pastrimit të Parave dhe ai i Krimit Ekonomik dhe Financiar në Policinë e Shtetit për veprën e mashtrimit në shuma të mëdha dhe pastrimit të produkteve të veprës penale. Në 6 muaj, 9 kompani private përfituan nga ÇEZ-i 12 milionë USD nga kontratat për mbledhjen e borxheve të papaguara. Pjesën më të madhe të fondeve e ka marrë “Debt International Management”, me administrator Kastriot Ismailajn, 649 milionë lekë, ose gati 6.5 milionë dollarë. Nga “Debt International Advisori” paratë kanë dalë nga Shqipëria duke hyrë në llogaritë e dhjetëra kompanive të tjera, që veprojnë në rreth 15 shtete./CNA.al