web counter
LEXO PA REKLAMA!

SHKARKO APP

App Store
Google Play

“Shfuqizimi” i investitorëve strategjikë/ Pas 8 vitesh, Tabaku kujtohet për vendimet abuzive

22 Shkurt 2023, 10:46, Aktualitet CNA

“Shfuqizimi” i investitorëve strategjikë/ Pas 8 vitesh,

Shfuqizimi i projektligjit për investitorët strategjikë, është diskutuar sot në Komisionin për Veprimtaritë Prodhuese Tregtinë dhe Mjedisin.

Deputetja e PD-së, Jorida Tabaku, ka thënë se shfuqizimi i ligjit për investitorët strategjikë duhet të nisë nga 1 janari i këtij viti.

Për shkak se sipas saj, ka pasur vendime abuzive për dhënien e statusit të investitorit strategjik.

"Në pjesën më të madhe të vendimeve për investitorë strategjikë, vendimet kanë qenë abuzive. Në ligjin kur u krijua u tha se ligji do të ishte i përkohshëm. Një ligj që do rregullonte investimet vendase dhe të huaja. Dhe u tha se nuk do ishte i përjetshëm. Ndodhemi sot pas 8 vitesh, kur ligji ende është në fuqi dhe është shtyrë 3 herë. Nuk ka pasur ndikim në zona të caktuara, por kemi dëgjuar për investime strategjike për persona të sanksionuar, Deripaska i shpallur investitor strategjik për luleshtrydhet në Divjakë, është e paimagjinueshme”, ka thënë Tabaku.

Por sekretari i komisionit, Laert Duraj, është ndalur te pasojat, nëse ligji do të shfuqizohet që nga 1 janari i këtij viti.

 “Momenti kur po diskutohet ky projektligj, jemi në fundin e muajit shkurt dhe një projektakt nuk mund të ketë efekt prapaveprues. Pavarësisht diskutimeve që mund të kemi për datën, edhe sikur të kishim konsensus, përsëri data 1 janar, është me efekt prapaveprues dhe kjo do penalizonte kompanitë që e kanë bërë një kërkesë të tillë pranë komisionit sipas parashikimeve ligjore”, është shprehur Duraj./CNA.al





Lajmet e fundit nga