web counter
LEXO PA REKLAMA!

SHKARKO APP

App Store
Google Play

E fundit!

x

“Përjashtimi i deputetëve të PD, një çmenduri”/ Gurra: Jemi vetëm një hap larg diktaturës njëpartiake

21 Shkurt 2023, 20:51, Aktualitet CNA
“Përjashtimi i deputetëve të PD, një
Gazetari Hysni Gurra

Gazetari Hysni Gurra ka reaguar për përjashtimin e deputetëve të Partisë Demokratike nga kryetarja e Kuvendit Lindita Nikolla, pas kërkesave të mazhorancës.

Me anë të një statusi në rrjete sociale, Gurra e cilëson këtë si një çmenduri me porosi të kryeministrit Edi Rama, të cilin e konsideron si padron.

Duke e krahasuar me Hitlerin, ai deklaron se Rama po u kufizon fjalën atyre që janë votuar e paguhen nga populli për të folur në Parlament.

Sipas tij, kreu i qeverisë është vetëm një hap larg është vendosjes përfundimtare të diktaturës njëpartiake në vend.

Statusi i plotë:

Për një muaj Lindita Nikolla ka përjashtuar 23 deputetë të opozitës në parlament.

Ka lloj-lloj mënyrash se si robi mund të hyjë në histori si hero, si lider pozitiv, si diktator, njëra ndër to është edhe si qesharak.

Në dijeninë time është hera e parë në 3 dekada që ndodh një çmenduri e tillë. Të përjashtohen 23 deputetë brenda 2 seancash nga parlamenti.

Sigurisht që këto përjashtime nuk i bën as Lindita Nikolla, as Taulant Balla, këta thjeshtë zbatojnë porositë e padronit.

Hitlerit iu desh të sajonte një zjarr në Rajshtag dhe më pas detyroi presidentin Hindenburg që të firmoste dekretin për shfuqizimin e lirive civile, duke përfshirë të drejtën për një proces të rregullt ligjor dhe për të folur, grumbulluar dhe protestuar. Kjo u pasua në mars nga Akti Mundësues i vitit 1933, një ligj që filloi ta transformonte republikën në një diktaturë njëpartiake.

Ramës nuk iu desh një zjarr, shkoi direkt te fjala, u kufizon fjalën atyre që janë votuar e paguhen nga populli për të folur në Parlament.

Edhe Rama si Fyhreri, marsin e ka përpara, në shkurt i përjashton gjysmën e deputetëve nga Parlamenti opozitës dhe me ç’duket do insistojë që të mbyllë hesapet me të përfundimish në mars.

Hitlerin nuk e morën seriozisht kur bënte këto gjëra dhe ai ia doli- edhe Ramën në të shumtën e herëve nuk e kanë marrë seriozisht, por vetëm një hap larg është vendosjes përfundimtare të diktaturës njëpartiake në vend.

A do t’ia dalë? Të shohim. Deri tani i ka çuar para planet për diktaturën njëpartiake, duket i vendosur të vazhdojë më tutje./ B.A. – CNA.al





Lajmet e fundit nga