web counter
LEXO PA REKLAMA!

SHKARKO APP

App Store
Google Play

E fundit!

x

Masat disiplinore ndaj deputetëve të opozitës/ Justifikohet Felaj

21 Shkurt 2023, 17:22, Aktualitet CNA

Deputetja e Partisë Socialiste, Ermonela Felaj ka folur për tensionet dhe debatet e forta në seancat e fundit parlamentare ku janë përjashtuar deputetë të opozitës.

Sipas Felajt, tensionet që krijohen kanë si synim të tregojnë se ka një krizë politike dhe kjo ekzsiton në mendjen e deputetëve të opozitës.

“Kuvendin e kam parë për një kohë të gjatë. Katër mandate nuk janë pak. E kam parë edhe me syrin e anëtarit të thjeshtë, edhe si ministre shteti të Marrëdhënie me Parlamentin dhe si zv.kryetare, por nuk mendoj që interesi publik fiton nga mbytja e argumentit. I gjithë përkushtimi im edhe si zv.kryetare Parlamenti është për të zbatuar rregulloren dhe ajo shkruhet qartësisht. Janë dhënë prova mjaftueshëm që nga disa lexohet ndryshe me dashje. Tensionet na kanë shoqëruar përpara çdo lloj zgjedhje politike, por fshihen edhe qëllime që synojnë të tregojnë se këtu ka një krizë politike, por kjo është vetëm në mendjen e tyre”, ka thënë Felaj.

Përsa i përket masave të marra ndaj deputetëve të opozitës, Felaj është justifikuar me atë që nëse edhe opozita do të gjendej para një situate të tillë do të vepronte njësoj.

“Do ta bënte edhe opozita nëse do të ishte në mazhorancë nëse ne do të vepronim në të njëjtën mënyrë. Nuk besoj se dikush ndihet mirë kur sheh të gjitha këto akte në Kuvend. Pra kësaj gjëje duhet t’i kundërvihemi me të gjitha mënyrat që na e lejon rregullorja. Nuk jam kundër të bërit opozitë, por edhe duhet të kuptohesh, gjë e cila nuk ka ndodhur në fakt. Mazhoranca do të tregojë tolerancë deri aty ku lejohet toleranca”, është shprehur nënkryetarja Felaj./ CNA.al





Lajmet e fundit nga