web counter
LEXO PA REKLAMA!

SHKARKO APP

App Store
Google Play

E fundit!

x

Po heton lidhjet e krimit me Presidentin/ Deputetja ekuadoriane kërcënohet me jetë nga mafia shqiptare

21 Shkurt 2023, 08:58, Aktualitet CNA

Po heton lidhjet e krimit me Presidentin/ Deputetja ekuadoriane

Deputetja ekuadoriane, Viviana Veloz, kryetare e komisionit të rastit për çështjen e quajtur “Kumbari i Madh” ka denoncuar se ajo dhe këshilltari i saj kanë marrë kërcënime me vdekje gjatë fundjavës nga mafia shqiptare.

Sipas saj, qëllimi i kanosjes është për të parandaluar ecurinë e hetimeve për korrupsionin e dyshuar në qeveri, në kuadër të çështjes “Encuentro”, si dhe për të parandaluar raportimet në polici për lidhjet e dyshuara mes trafikut të drogës dhe mafies shqiptare.

Këtë situatë Veloz e bëri të ditur me 20 shkurt, gjatë një seance virtuale në komisionin hetimor.

Deputetja tregoi një fotografi në celularin e saj dhe tha se të dielën është lënë një shënim në automjetin e këshilltarit të saj, Christian González, me logon e mafies shqiptare dhe një fjalë në gjuhën shqipe, që përkthyer në spanjisht do të thotë "i vdekur". 

Po heton lidhjet e krimit me Presidentin/ Deputetja ekuadoriane

Shënimi u vendos kur automjeti ishte parkuar jashtë Universitetit Qendror të Ekuadorit, në qendrën veriore të Quitos.

Veloz raportoi se ai ka marrë edhe mesazhe frikësuese në llogarinë e tij në "Instagram".

“Kërcënimet me vdekje dhe se ata do të rrezikojnë jetën e prindërve të mi dhe të familjes sime nëse nuk ndaloj së hetuari çështjen “Encuentro”. Madje, brenda atij mesazhi më kanë dërguar edhe udhëzime se si duhet, sipas tyre, ta ndjek këtë çështje”, ka treguar këshilltari i Veloz.

Kjo e fundit e konsideroi qeverinë përgjegjëse për atë që mund t'i ndodhte asaj, familjes së saj, ekipit të saj të punës dhe njerëzve të afërt me të./CNA.al





Lajmet e fundit nga