web counter
LEXO PA REKLAMA!

SHKARKO APP

App Store
Google Play

E fundit!

x

Aksioni i opozitës/ Porositë e Berishës për drejtuesit politikë të qarqeve

20 Shkurt 2023, 14:15, Aktualitet CNA

Aksioni i opozitës/ Porositë e Berishës për drejtuesit

Kreu i PD-së, Sali Berisha, në një mbledhje me drejtuesit politikë të qarqeve ka ndarë porositë për vijimësinë e protestave.

Berisha është shprehur se nëse duan të mposhtin regjimin e Edi Ramës, duhet të të përgatiten dhe të përcjellin mesazhe të qarta, për të përmbushur misionin.

Ndonëse e ka quajtur të mbarë nisjen e revolucionit, Berisha ka deklaruar se duhet të vazhdohen takimet intensive me qytetarët dhe mbështetësit për të pasur një situatë më të përgjithshme të protestave.

“Ne duhet të përgatitemi. Mosbindja civile është element thelbësor i revolucionit paqësor. E ka thënë Mahatma Gandi: është e shenjtë!

Ne kemi një përqindje shumë të madhe të popullatës që e urren Edi Ramën, kemi një përqindje që na përgjigjet, del në protestë.

Por pjesa tjetër kërkon të shohë shembuj të tjerë te ne.

Nëse nuk rrëzohej shtatorja e Enver Hoxhës, të harroni se do të fitonim zgjedhjet më 22 mars.

Pra, duhet t'i japim mesazhe shumë të qarta anëtarësisë sonë, demokratëve tanë, që sakrificat më të mëdha na presin përpara nëse qëndrojmë të vendosur për të përmbushur misionin tonë.

Ndaj dhe duhet të ndërmarrim një debat intensiv me anëtarësinë tonë, duhet të ndërmarrim një debat intensiv me mbështetësit tanë, duhet të ndërmarrim një debat intensiv me qytetarët.

Duhet krijuar një situatë e përgjithshme proteste, revolte, reagimesh”, është shprehur Berisha./ CNA.al





Lajmet e fundit nga