LEXO PA REKLAMA!

SHKARKO APP

Basha zgjohet pas dreke/ Kujtohet për rrëzimin e bustit të Enver Hoxhës

20 Shkurt 2023, 13:13, Aktualitet CNA

Basha zgjohet pas dreke/ Kujtohet për rrëzimin e bustit të Enver

Ish-kryetari i PD-së, Lulzim Basha, është kujtuar pas dreke për të përkujtuar 32-vjetorin e rrëzimit të bustit të Enver Hoxhës.

Pasi zgjohet nga “gjumi letargjik”, Basha përmes një postimi në rrjetet sociale, shprehet se shqiptarët janë burgosur dhe janë dënuar për arsye politike dhe se shumë prej tyre kanë vdekur nga burgjet e regjimit.

Ai shton se krimi komunist shqiptar është krimi më i rëndë komunist në Europë dhe se drejtësia nuk mund të vijë nga të persekutuarit, bashkëpunëtorët e shërbëtorët e tyre.

Kujtesa dhe nderimi për sakrificën e atyre që kanë kontribuar për lirinë, e lartëson një komb. Harresa dhe mosmirënjohja janë rruga drejt shkatërrimit të shoqërisë dhe vlerave bazë të familjes, kombit dhe Atdheut.

20 shkurti është dita për të kujtuar me respekt të gjithë ata që u ngritën, u bashkuan dhe shembën simbolin e fundit komunist në Europë duke rrëzuar shtatoren e diktatorit.

Askush nuk ka paguar një çmim më të lartë për lirinë në Europë, se sa shqiptarët.

34,135 shqiptarë janë burgosur dhe dënuar për arsye politike.

59,009 qytetarë u internuan në kampe përqendrimi.

7.022 prej tyre vdiqën prej trajtimit shatazarak.

984 persona kanë vdekur në burgjet e regjimit.

6.027 burra dhe gra, djem dhe vajza u ekzekutuan me dhe pa gjyq gjatë diktaturës.

Nga torturat dhe dënimet e kohës, 308 persona kanë humbur aftësitë mendore gjatë qëndrimit në burgjet e komunizmit.

Krimi komunist shqiptar është krimi më i rëndë komunist në Europë, por akoma më e rëndë është zhdukja e gjurmëve të krimit.

Mosgjetja e eshtrave të mbi 4500 të ekzekutuarve me dhe pa gjyq, ka në themel kompleksin e xhelatëve, për të zhdukur bashkë me kundërshtarët e tyre politikë, edhe gjurmët e krimit të tyre.

Drejtësia nuk mund të vijë nga persekutorët dhe bashkëpunëtorët e shërbëtorët e tyre. Transparenca dhe ndarja nga e shkuara janë jetike për ta bërë realitet ëndrrën e Shqiperisë si gjithë Europa”, shkruan Basha./ CNA.al

Lajmet e fundit nga