E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Thyhet embargoja?/ Tonelata naftë ruse hyjnë në Portin e Durrësit

20 Shkurt 2023, 09:38, Aktualitet CNA

Thyhet embargoja?/ Tonelata naftë ruse hyjnë në Portin e

Mbi 22 mijë tonë naftë ruse është kapur në Portin e Durrësit, një natë më parë.

“Embargo”, operacioni policor, ka bllokuar një anije me flamur liberian, e cila transportonte naftën, me dokumentacion të falsifikuar, për ta kontrabanduar më tej në Shqipëri.

Dyshohet se kjo ngarkesë nafte është marrë nga vendet me embargo për naftën, konkretisht nga Rusia.

Anija ishte nisur nga Azerbajxhani dhe pretendohet se më pas është ngarkuar me naftë në portin Kallamata, Greqi, nga një anije tjetër, në një sasi prej 22 500 ton lëndë djegëse naftë.

Mbi 22 mijë ton naftë kontrabandë nga Rusia/ Bllokohet anija në Portin e Durrësit
20 Shkurt, 09:17

Nuk është rasti i parë që kapet një sasi e madhe nafte ruse, në Portin e Durrësit.

Në janar të këtij viti, 62.000 litra naftë të kontrabanduara, të ardhura nga Libia drejt Durrësit janë sekuestruar nga një operacion i përbashkët me Policinë e Shtetit dhe Guardia di Finanza.

Dy anijet e peshkimit, një shqiptare dhe një libiane “Geni” dhe “ABOBAKR 124”, janë kapur nga pamjet e Guardia di Finanza duke shkëmbyer naftën, e cila do të tregtohej në Shqipëri me çmim më të lirë.

Naftë kontrabandë nga Libia/ Policia zbardh operacionin
14 Janar, 10:52

Embargoja e vendosur nga BE-ja është miratuar nga Shqipëria

Kujtojmë se në nëntor të vitit 2022, Shqipëria ka ndaluar importimin e drejtpërdrejtë, apo të tërthortë të naftës ruse.

Embargoja ndalon edhe përdorimin e territorit të Shqipërisë si tranzit për naftën e prodhuar apo tregtuar nga kompani që janë nën bllokadën e vendosur nga Bashkimi Europian prej 3 qershorit të vitit 2022.

Vendimi i Qeverisë bazohet te rregullorja e miratuar nga Këshilli i Bashkimit Europian për masat shtrënguese ndaj Rusisë si përgjigje ndaj agresionit të saj në Ukrainë.

Sipas kësaj rregulloreje, kontratat e njëhershme nuk ndaloheshin deri më datë 5 dhjetor 2022, ndërsa kontratat afatgjata të nënshkruara para datës 4 qershor do të mund të zbatoheshin deri më 5 shkurt të vitit të 2023.

Gjatë vitit 2021, Shqipëria importonte nga Rusia 11 për qind të totalit të karburanteve, ose rreth 75 mijë tonë./CNA.al