web counter
LEXO PA REKLAMA!

SHKARKO APP

App Store
Google Play

“Çudia më e madhe tre ditë zgjat”/ Kryemadhi për inceneratorët: I kam lënë kohë drejtësisë

18 Shkurt 2023, 18:44, Aktualitet CNA
“Çudia më e madhe tre ditë zgjat”/ Kryemadhi
Deputetja Monika Kryemadhi

Deputetja Monika Kryemadhi e ka quajtur një dikator skizofrenik kryeministrin Edi Rama dhe të aftë për të masakruar njerëz për hir të pushtetit.

Në një intervistë për mediat, Kryemadhi është shprehur se nëse institucionet nuk do të veprojnë do të jetë revolucioni popullor ai që do të vendosë.

Ajo ka përmendur aferën e inceneratorëve, duke thënë se po vidhen 30 mijë euro çdo ditë, por që ka vendosur të ndjekë një strategji ndryshe për këtë çështje.

Deputetja tha se çudia më e madhe tre ditë zgjat dhe për momentin i ka lënë kohë drejtësisë për të reaguar për këtë çështje.  

“Rama është një diktator skizofrenik. Në raste të tilla këta janë njerëz që masakrojnë dhe familjarët e tyre për hir të pushtetit. E di që do të jetë e vështirë për ta lëvizur, por metodologjia nuk është problemi Rama po ata që e institucionalizojnë atë. Të paktën aq ndërgjegjeje profesionale e morale te ato institucione që kornizojnë funksionimin e një diktatori skizofrenik, do të japë efektet saj. Në të kundërt, revolucioni popullor do e bëjë.

Se kur vjedh 30 mijë euro çdo ditë për inceneratorët dhe fut në burg një 84-vjeçare për një kotec, do të ketë efektin e saj dhe do të çoj njerëzit drejt një përplasje. Siç ndodhi dhe në rastin e IKMT-së. Nuk i hypi ruspës Dallëndyshja…, problemi është që nuk do e mbajë vetëm Dallëndyshja, por kush i del për zot asaj dhe atyre që godasin në emër të tyre. Kush i del për zot asaj? Çështjen e inceneratorit e kam ndërtuar në një strategji ndryshe. Këtu çudia më e madhe tre ditë zgjat dhe pastaj e harrojmë. I kam lënë kohë sistemit të drejtësisë për të reaguar. Kemi raste që institucionet nuk kthejnë përgjigje Kryemadhit dhe presidentit, por gjykatës dhe SPAK-ut po”, ka thënë Kryemadhi./ CNA.al





Lajmet e fundit nga