web counter
LEXO PA REKLAMA!

SHKARKO APP

App Store
Google Play

“E kemi në dorë të largojmë Veliajn”/ Këlliçi zotohet, zbulon zgjidhjet për problemet e qytetarëve

19 Shkurt 2023, 15:25, Aktualitet CNA
“E kemi në dorë të largojmë Veliajn”/
Foto ilustruese

“Më 14 maj e kemi vetë në dorë të largojmë Veliajn”, me këtë lajtmotiv, kandidati i Partisë Demokratike për Tiranën, Belind Këlliçi, takoi banorët e rrugës "Todi Shkurti" dhe "Petro Nini Luarasi" në Tiranë. 

Ndërsa ka shtrënguar duart me qytetarët, Këlliçi bashkëbisedoi mbi problemet dhe pritshmëritë nga pushteti vendor.

Ankesave të tregtarëve ambulantë mbi gjobat dhe dhunën e policisë bashkiake, Këlliçi iu përgjigj se “Pas 14 majit nuk do të ketë më as gjoba dhe as sekuestrim të mallit”, duke premtuar zgjidhjen e një fenomeni shqetësues tashmë në rrugët e Tiranës.

Në kuadër të turit “Jam këtu t’ju dëgjoj”, Këlliçi ka dëgjuar ankesat e banorëve për rrezikun e depozitave të ujit mbi pallate dhe indiferencën e bashkisë.

“Njerëzit janë të mërzitur. Më shumë janë të mërzitur mbi rritjen e çmimeve. Rinia po ikën. Po na ikin fëmijët. Gocën e madhe e hoqën nga puna dhe më iku në Gjermani. Duam ndryshim”, ishin fjalët e një prej banoreve të zonës që shprehu mbështetjen për kandidatin e PD-së për Tiranën.

Përgjatë rrugëtimit te "Petro Nini Luarasi" dhe "Todi Shkurti", Këlliçi gjeti mbështetjen e banorëve të zonës që i kërkuan largimin e Veliajt nga zyra pas 14 majit.

Një shqetësim i shprehur nga një prej banorëve ishte edhe pallati në qendër të Tiranës, pas kullës së Sahatit.

“Po ke vend në gjithë Tiranën, bën kullë e ça të duash, po pse do ta bësh te Sahati? Mos me e lënë t’i zërë vendin Skënderbeut tani. Se edhe atë ka për ta bërë te sheshi”, ishte përgjigjja e Këlliçit./ CNA.al





09:34 Aktualitet Agim Xhafka

Atë mëngjes dhjetori

Kur isha mësues fshati në ato vite të hënave çohesha q...

Lajmet e fundit nga