E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Denoncimi i ish-zëvendësministres/ “Kush ka ngritur kazino në një vrimë me 5 yje”

19 Shkurt 2023, 19:23, Aktualitet CNA

Denoncimi i ish-zëvendësministres/ “Kush ka ngritur kazino

Ish-zëvendësministrja e Financave, Irena Beqiraj, ka denoncuar përmes rrjeteve sociale, se në zonën ku banon, shumë pranë shtëpisë së saj, është ndërtuar një hotel me 5 yje që sipas saj ka dhe licencën e kazinosë.

Beqiraj shkruan se klasifikimi i këtij hoteli me "5 yje" do të hyjë në rekordet botërore të talljes me standardet.

“Mua më vjen turp ! Nuk di a turpërohet Lideri !

Kjo është një rrugicë e ngushtë pranë shtëpisë time. Pa parkim, mes pallatesh edhe disa shtëpive private , ku është e pamundur të kalojnë njëkohësisht edhe makina edhe këmbësori . Njëri duhet të ndalojë që të kalojë tjetri. Aty, gjendet nje hotel i vogël , që paskërka marrë klasifikimin me 5 yje edhe bashke me të licencën e kazinosë , përvec lehtësive fiskale. Klasifikimi i këtij hoteli si hotel me 5 yje , pa frikë mund të hyjë në rekordet botërore të talljes me standartet”, shkruan Beqiraj.

Më tej ish-zëvendësministrja e vijon denoncimin e saj duke ngritur pikëpyetje në lidhje me ndërtimin e kësaj kazionje në një rrugicë ku është e pamundur që të kalojnë makina dhe këmbësorë.

“Ligji i lojrave të fatit të cilin e mbrojta në 2015 derë më derë komisioneve parlamentare , në debate të forta me mosbesuesit sot është shkërmoqur si kështjellë rëre, është grisur copash në hyrjen e kësaj kazinoje.

Cilat ishin qëllimet e përbashkëta të skuadrës? Kush ka ngrenë kësaj radhe "dardha e mollë" pas kurrizit të Liderit, e ka ngritur kazino në një vrimë me "pesë yje"në qendër të Tiranës?

Kush janë pelivanet , në këtë rast gra nga ato të pakorruptueshmet , që më bëjnë të skuqem deri tek veshët, sa herë kaloj para kësaj pamje, që tallet me besimin tim, sa herë e shoh?

Kjo kazino në derën e shtëpisë , është dënimi më epik që mund të marrë një "besimtar naiv" si puna ime.Mua më vjen turp ! Nuk di a turpërohet Lideri !”, e përmbyll postimin e saj Beqiraj./ CNA.al