LEXO PA REKLAMA!

SHKARKO APP

Drejtoria e Arkivit nxori dokumentet për floririn që mori Mbreti Zog/ Princ Leka reagon pas publikimit të tyre

20 Shkurt 2023, 22:07, Aktualitet CNA

Drejtoria e Arkivit nxori dokumentet për floririn që mori Mbreti Zog/

Princ Leka ka reaguar pas publikimit të dokumentit nga Drejtoria e Përgjithshme e Arkivave ku tregohej sasia e floririt që Mbreti Zog mori pasi u largua nga Shqipëria në vitin 1939.

Në reagimin e tij për gazetaren Erla Mëhilli, ai u shpreh se edhe pse dokumenti ruhet në Arkivin e Shtetit nuk mbeshtetet në pohime dokumentare të tjera, të verifikueshme dhe të kryqëzuara.

Princ Leka thekson se vendi ka nevojë për ndershmëri intelektuale dhe pedagogji të mirëfilltë në shkrimin dhe transmetimin e historisë.

Personalisht më duket e tepërt që t’i kushtohet një emision një rrefimi kaq të cekët, shkruar në gjuhën dhe për hesap të pushtuesit të kohës, pa një qëmtim të hollësishëm të kontekstit historik. Fakti që rrëfimi në fjalë ruhet në Arkivin e Shtetit, nuk i jep atij asnjë vlere të shtuar dokumentare dhe aq më pak e bën të pagabueshëm, të paktën për aq kohë sa nuk mbeshtetet në pohime dokumentare të tjera, të verifikueshme dhe të kryqëzuara.

Jam i keqardhur që profilet sociale të AQSH mëtojnë të bëjnë sensacion me copa letrash, ndërkohë që AQSH ka për mision të ruaje dhe të vendosë në dispozicion të studiuesve një dokumentacion të plotë dhe cilësor. Vendi nuk ka nevojë për sensacione, ka boll nëpër portale, por për ndershmëri intelektuale dhe pedagogji të mirëfilltë në shkrimin dhe transmetimin e historisë. Leka II”, thuhej në reagimin e tij./CNA.al

Lajmet e fundit nga