web counter
LEXO PA REKLAMA!

SHKARKO APP

App Store
Google Play

Grida Duma, qëndrime krontadiktore/ Si e drodhi për projektin e portit të Durrësit, dje e shante por sot e lavdëron

20 Shkurt 2023, 22:40, Aktualitet CNA
Grida Duma, qëndrime krontadiktore/ Si e drodhi për projektin e portit
Grida Duma

Grida Duma për sa kohë ishte deputete e Partisë Demokratike shante projektin e portit të Durrësit, por tashmë që ka dhënë mandatin e është bërë moderatore në “Top Channel” duket se ka ndryshuar qëndrim.

Qëndrimet kontradiktore të Dumës për këtë çështje nuk kanë kaluar pa u vënë re. Fillimisht Grida ishte kundër këtij projekti.

Në 6 maj të 2021-shit, kur PD drejtohej nga Lulzim Basha, Grida Duma kërkonte hapur pazar me kryeministrin Edi Rama për Portin e Durrësit.

“Për çështje themeltare, porti i Durrësit është projekt nacional. Ti nuk mund ta marrësh vetëm atë. Në kushtet që ti e di që opozita reale është në rrugë, ti edhe mund të presësh një marrëveshje tjetër, siç u ule në tavolinën e kodit elektoral, se ne nuk ishim në Parlament kur u ule. Porti i Durrësit është një projekt shumë i madh, që ka të bëjë me pronën publike të shqiptarëve, me sa vijon ky koncesion. Pse nuk e thërret edhe opozitën reale”, u shpreh ajo në një intervistë për Euronews Albania.

Ky mesazh i saj u interpretua si një dorë e shtrirë për korrupsion dhe ndarje parash në emër të Luzim Bashës.

Por me kalimin e kohës Duma ndryshoi sërish qëndrim. Ish-deputetja e quajti projektin për Portin e Durrësit aferën më të madhe në vend në 10 mars të 2022-shit.

Grida Duma, qëndrime krontadiktore/ Si e drodhi për projektin e portit
Projekti i Portit të Durrësit

“Është ashtu siç është. Ne kemi menduar si grupim dhe shtab elektoral i Durrësit se është jetike që të qartësojmë me transparencë qëndrimin e opozitës për një projekt krejtësisht të mbyllur. Janë 81 hektarë, që për neve iu janë dhënë disa oligarkëve. Duke qenë projekt i mbyllur, minimalisht afera më e madhe strategjike, dhënia e portit më të madh në vend, duhet që opozita ta bënte transparente, pa penguar zhvillimin, por duke bërë që zhvillimi të shkojë te qytetarët”, deklaroi ajo në një prononcim për gazetarët.

E tashmë deputetja që la mandatin për tu bërë moderatore e ka dredhur sërish. Të enjten e kaluar, Grida udhëtoi në Dubai dhe zhvilloi një intervistë me themeluesin dhe pronarin e kompanisë “EMAAR”, Mohamed Alabbar, njëherësh investitor i projektit të Portit të Durrësit.

“Uroj që përralla të investimeve të tilla të bëhen realitete në Shqipëri, me një bukuri të tillë, me ndërtesa kaq modern dhe me stil”, ishte njëra nga fjalitë me të cilat ajo iu drejtua Alabbar.

Grida vazhdoi me lëvdatat për investitorin dhe  kërkoi të shuhen dyshimet për projektin në Shqipëri, që tashmë asaj i duket një investim i mirë.

Grida Duma, qëndrime krontadiktore/ Si e drodhi për projektin e portit

“Faleminderit edhe nga shqiptarët për investimet tuaja dhe kujdesin tuaj. Uroj të shuhet cdo dyshim për këtë investim të madh, por edhe vetë historia juaj është një përrallë. Kjo është një përrallë, është një histori e mbushur me besim, me pozitivitet”, theksoi ndër të tjera ish-deputetja.

Pra, Grida Duma ka dhënë disa qëndrime kontradiktore, herë pro e herë kundër Portit të ri të Durrësit, duke e dredhur sipas interesit./ CNA.al





Lajmet e fundit nga