web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha zbulon prapaskenat/ Çfarë fshihet pas heqjes së “kamerave të krimit”

21 Shkurt 2023, 21:38, Aktualitet CNA
Artan Hoxha zbulon prapaskenat/ Çfarë fshihet pas heqjes së
Gazetari investigativ, Artan Hoxha

Gazetari investigativ, Artan Hoxha ka zbuluar prapaskenat e heqjes së “kamerave të krimit”, aksion i nisur nga policia prej disa javësh në disa qytete të Shqipërisë.

Hoxha tha në një intervistë me Adi Krastën se kamerat që po hiqen nuk kontrollohen nga autoritetet dhe janë përdorur si “armë” kundër pushtetit.

Ai pretendon se operacioni i policisë do t’i shërbejë politikës gjatë fushatës elektorale.

Sipas tij, kamerat janë hequr në zonat gri dhe gjatë fushatës do ketë përplasje interesante.

“E di pse po hiqen. Është shumë interesante dhe unë mendoj se do ta provojmë gjatë fushatës elektorale. Këto kamera nuk i kontrollojnë dot autoritetet dhe janë ato kamera që në disa raste të tjera na kanë shërbyer ne për të na thënë materiale, të cilat denonconin veprime që bëheshin nga pushteti. Dhe në fushtaë, kur fillon shpërndarja, presioni, këto kamera nëpër lagje që nuk i kontrollon salla operative mund të kthehen në armë për kundërshtarin dhe unë nuk do ta besoj që ka qenë ky plani, por indikatorët më thonë se po të shikosh pozicionet ku janë hequr kamerat janë zona gri gjatë fushatës elektorale dhe aty do kemi përplasje shumë interesante”, theksoi gazetari./ CNA.al





Lajmet e fundit nga