web counter
LEXO PA REKLAMA!

SHKARKO APP

App Store
Google Play

Ankohen pedagogët/ 9 kërkesat ndaj qeverisë

22 Shkurt 2023, 12:33, Aktualitet CNA
Ankohen pedagogët/ 9 kërkesat ndaj qeverisë
Foto ilustruese

Pedagogët kanë braktisur sërish auditoret dhe u janë rikthyer protestave. Ata kanë kërkuar që të plotësohen nga qeveria kërkesat e parashtruara.

Sot, njëra prej pedagogeve është shprehur se qeveria ka plotësuar pjesërisht një nga kërkesat e peticionit që ishte rritja me 7 % e pagës.

"Qeveria plotësoi pjesërisht vetëm një nga kërkesat e peticionit, që ishte rritja me 7% të pagës. Ndërsa pjesa tjetër u la në dorë të Universiteteve. Ajo pjesë duhet të shkojë në shërbime të studentëve. Stafi tjetër nuk e merr dot shtesën prej 8%, pasi nuk paracaktohet. Me të drejtë Sindikata kërkon një ligj të veçantë për këtë. Rritja e pagës për vjetërsnë në punë nuk është zgjidhur ende. Ne nuk na mbetet gjë tjetër veçse vjeshtën e bojkotimit, ta bëjmë pranverën e bojkotimit," tha një pedagoge.

Kujtojmë se 9 kërkesat e pedagogëve ndaj qeverisë janë si më poshtë:

-Rritja e pagave për pedagogët dhe stafin ndihmës

-Rritja e financimit për kërkimin shkencor

-Rivendosja e shtesave mbi pagë

-Rritja e shtesës mbi pagën për vjetërsinë në punë

-Rritja e pagesës së orëve të ngarkesës suplementare

-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.

-Rishikimin e tatimit prej 23% mbi pagesën e ngarkesës suplementare

-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.

-Të bëhet transparencë mbi buxhetin dhe të ardhurat e universitetet publike./ CNA.al





Lajmet e fundit nga