web counter
LEXO PA REKLAMA!

SHKARKO APP

App Store
Google Play

E fundit!

x

Këshilli i Ambasadorëve Shqiptarë, kërkesë Kuvendit/ “17 Shkurti të shpallet festë zyrtare”

22 Shkurt 2023, 12:44, Aktualitet CNA
Këshilli i Ambasadorëve Shqiptarë, kërkesë Kuvendit/
Foto ilustruese

Këshilli i Ambasadorëve Shqiptarë ka kërkuar që 17 Shkurti, Dita e Pavarësisë së Kosovës, të shpallet festë zyrtare kombëtare në Republikën e Shqipërisë.

Kërkesa është bërë në kuadër të 15-vjetorit të shpalljes së pavarësisë së Kosovës që u festua ditë më parë.

“Duke vlerësuar 17 Shkurtin e vitit 2008, ditën e shpalljes së Pavarësisë së Republikës së Kosovës, si një nga ngjarjet më të rëndësishme në historinë tonë kombëtare;

si përmbushjen e një aspirate shekullore të kombit tonë në rrugën e tij drejt forcimit të identitetit, bashkimit kombëtar dhe integrimit në strukturat Euro – Atlantike;

si një ditë të shënuar që frymëzon çdo shqiptar;

si ngjarje madhore për të cilën kanë kontribuar shqiptarët anembanë botës, me mbështetjen e fuqishme të SHBA-ve, BE-së, NATOs dhe vendeve të tjera aleate dhe mike,

Këshilli i Ambasadorëve Shqiptarë i ka drejtuar një kërkesë zyrtare Kuvendit, më dt. 21 Shkurt 2023, për të  ndërmarrë nismat përkatëse ligjore për ta shpallur këtë datë Festë Zyrtare të Republikës së Shqipërisë.

Këshilli i Ambasadorëve Shqiptarë beson se një vendim i tillë do të gëzonte dhe do të mbështetej nga çdo shqiptar kudo ku jeton, pavarësisht bindjeve politike”-thuhet në kërkesën e bërë./ CNA.al

Këshilli i Ambasadorëve Shqiptarë, kërkesë Kuvendit/





Lajmet e fundit nga