web counter
LEXO PA REKLAMA!

SHKARKO APP

App Store
Google Play

Akuzat për inceneratorët/ Ahmetaj: Kam zero përfshirje, pagesat e hoteleve janë spekulime

23 Shkurt 2023, 22:03, Politikë CNA
Akuzat për inceneratorët/ Ahmetaj: Kam zero përfshirje, pagesat e
Ish-zv.kryeministri Arben Ahmetaj

Ish-zv.kryeministri Arben Ahmetaj ka reaguar për akuzat se është i përfshirë në aferën e tre inceneratorëve të Tiranës, Elbasanit dhe Fierit.

Ahmetaj tha se drejtësia nuk ka asnjë çështje ndaj tij, ndërsa pretendon se ka zero përfshirje në procedurat e inceneratorëve.

“Është shumë e rëndësishme që ta vendosm në një kuadër. Ju shmangët nëse, pjesën e procedurës për inceneratorët. Cila është akuza ndaj meje? Ka akuzë zyrtare nga Prokuroria?

Ka një dosje që quhet 277/1 që janë veprimet e Ministrive të Drejtësisë, të Ministrisë së Energjisë dhe të Zhvillimit Ekonomik ku unë isha ministër. Unë dua ta deklaroj që në procedurën e inceneratorit të Elbasanit, inceneratorit të Fierit dhe inceneratorit të Tiranës unë nuk kam marrë pjesë, kam zero përfshirje. S’ka akuzë ajo, ajo ka informacion. Patjetër që po hetohet. Të inceneratori i Elbasanit kam zero përfshije në procedurë.

Unë nuk kam firmë te inceneratori i Elbasanit, inceneratori i Fierit dhe tek procedura e Tiranës. Po them dhe një gjë. Të dyja veprat publike, Elbasani dhe Fieri, janë të domosdoshme. Kanë pastruar qytete”, u shpreh ai.

Përsa i përket akuzave se Klodian Zoto i ka paguar hotelin, ish-zv.kryeministri i cilësoi si spekulime.

“I je referuar një spekulimi të pastër të bërë. Këto janë spekulime, nuk është i vërtetë. Nuk kam fjetur unë dhe nuk kam paguar me kartën e Zotos, nuk ja kam kërkuar asnjëherë kartën Zotos, janë spekulime të pastra. Ishalla do Zoti dhe arrini ta pyesni ndonjëherë ndonjë nga ata”, theksoi Ahmetaj./ B.A. – CNA.al





Lajmet e fundit nga