web counter
LEXO PA REKLAMA!

SHKARKO APP

App Store
Google Play

Mesazhi i Kim për 1-vjetorin e agresionit rus në Ukrainë/ “E gjithë bota qëndron me të”

24 Shkurt 2023, 13:11, Politikë CNA

Mesazhi i Kim për 1-vjetorin e agresionit rus në Ukrainë/

Ambasadorja e SHBA-së në Shqipëri, Yuri Kim, ka dhënë mesazhin e saj lidhur me 1-vjetorin e agresionit rus në Ukrainë.

Kim është shprehur se e gjithë bota qëndron e bashkuar dhe po mbështet Ukrainën. Ajo tha se takimi i Biden me Zelenskyn në Ukrainë i kujtoi botës se Putini e kishte gabim kur mendonte se Ukraina ishte e dobët.

"Vetëm pak ditë më parë presidenti Biden shkoi në Kiev dhe nuk duhet të jetë asnjë dyshim se ku qëndron SHBA-ja. Ne qëndrojmë me popullin e Ukrainës. Nuk duhet të ketë dyshim që ne do të jemi me popullin e Ukrainës, për sa kohë të nevojitet. Presidenti Biden i kujtoi botës se Putini e kishte gabim kur mendonte se Ukraina ishte e dobët, apo se perëndimi ishte i përçarë. Perëndimi është si asnjëherë më parë i bashkuar. Populli i Ukrainës kanë mundur t’ia dalin mbarë pavarësisht të gjitha sfidave.

Ne jemi krenarë. Posteri para nesh thotë “Tirana qëndron me Ukrainën” por nuk është vetëm Tirana. Është Shqipëria, SHBA dhe e gjithë bota mbarë që qëndron me Ukrainën. Bota e di dhe e kemi parë. Nuk do të harrojmë vende si Bucha, Kharkiv e Mariupoli, kemi parë raporte tronditëse të torturave, dhunës seskuale, rrëmbimeve, kampeve dhe vrasjet në masë nga Kremlibi, do të sigurohemi që të qëndrojmë së bashku e të sigurojmë liri e drejtësi", u shpreh Kim./CNA.al





Lajmet e fundit nga