E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

“14 maji”/ PDIU në krah të socialistëve në Kuvend, por e vetme në zgjedhje

25 Shkurt 2023, 10:14, Politikë CNA

“14 maji”/ PDIU në krah të socialistëve në

Kryetari i PDIU-së, Shpëtim Idrizi, ka njoftuar sot se do të dalë i vetëm në zgjedhjet e 14 majit.

Me anë të një postimi në rrjete sociale, Idrizi thotë se nuk do të bëhet me asnjë prej partive të mëdha.

Kjo deklaratë e tij vjen një ditë pasi kreu i PD-së, Sali Berisha, e cilësoi PDIU-në si zonë gri, dhe më shumë se një javë, kur iu bashkua socialistëve në Kuvend për të votuar projektligjet.

Reagimi i plotë:

PDIU: Shqiptarët nuk duhet të votojnë Fredi Bejlerin produktin e marrëveshjes Berisha - Dule

PDIU : Është rregjistruar e vetme në këto zgjedhje

PDIU : Nuk është ftuar asnjëherë për bashkëpunim nga asnjë nga dy pjesët e PD-së

Në respekt të interesimit të mediave;

Bazuar në ndryshimet e fundit Kushtetuese për heqjen e koalicioneve, PDIU ka marrë vendimin që të dalë e vetme në zgjedhje.

theksojmë që PDIU nuk është kontaktuar asnjë herë, nga asnjë nga dy palët e PD-së, për të kërkuar bashkëpunimin e saj.

PDIU e ka bërë të qartë që nuk përfshihet dhe nuk mban anë në debatin e brendshëm në PD, por në mënyrë të përsëritur ka bërë thirrje, që ata që flasin në emër të demokratëve e kanë detyrë që të bashkohen e të sjellin një forcë solide në zgjedhjet që priten të mbahen.

Shqiptarët e ?amërisë e njohin mirë historinë e tyre dhe të të parëve të tyre dhe e dinë mirë se si i vrau e masakroi Napoleon Zerva me bandat e tij dhe se si tentoi ti vriste për së dyti Enver Hoxha dhe komunistët, por po kaq e padrejtë është dhe intimidimi, indiferenca e Partive Politike kryesore në këto 32 vite. Çështja ?ame do të zgjidhet kur të gjitha partitë politike me mbështetjen e aleatëve tanë SHBA, BE dhe Britani e madhe, të vendosin të parin interesin kombëtar dhe jo partiak a të liderve të tyre.

PDIU nuk i ka bërë kurrë thirrje mbështetësve të një partie tjetër politike se si duhet të votojnë, por sot është koha ti bëjmë thirrrje shqiptarëvë të mos votojnë Fredi Bejlerin, njeriun e akuzuar për masakrën e Peshkëpisë dhe i dënuar me vendimin e Gjykatës Vlorë, me nr 224/24.9 2004 dhe me numër 302/ 26.12.2006, me 3 vite burg për dhunim të simboleve shtetërore shqiptare.

Shqiptarët nuk mund e nuk duhet të votojnë njeriun që bën edhe sot fushatë me flamurin e Vorio Epirit i cili advokon autonominë e Vorio- Epirit, që tenton të prekë tërësinë territoriale të Shqipërisë, atdheut tonë./CNA.al