web counter
LEXO PA REKLAMA!

SHKARKO APP

App Store
Google Play

E fundit!

x

Sherri në Kuvend, Berisha e quan Çollakun provokator të ulët

10 Nëntor 2023, 12:32, Politikë CNA

Sherri në Kuvend, Berisha e quan Çollakun provokator të

Kreu demokrat, Sali Berisha, ka reaguar lidhur me incidentin e ndodhur në kryesinë e Kuvendit mes deputetëve Dashnor Sula e Kreshnik Çollaku.

Ai e quajti Çollakun provokator të ulët ndërsa kërkoi që të respektohet e drejta e deputetëve opozitarë për protestë të cilën e kanë nisur prej një muaji.

“T'u thuash shqiptarëve se Lulzim Pengu është opozitë, bëni mëkat ndaj shqiptarëve. Rasti është ky. Deputetët e opozitës janë në protestë, asnjë deputet s'ka të drejtë t'i pengojë. Po pse janë në protestë? Janë para së gjithash për të drejtat kushtetuese të deputetit. Çdo deputet që i provokon në protestë është i ulët. Protesta nuk provokohet, respektohet në moral dhe në kod. Ata deputetë që provokojnë deputetët që janë në një protestë janë provokatorë të ulët. Ju e patë, u morën karriget edhe u krijua rrëmujë në parlament siç e meritonte, kjo u bë herën e fundit. Qytetarët duhet të kenë një vlerësim maksimal për këta njerëz që kanë një muaj që protestojnë për të drejtat e qytetarëve, se ata në rregull janë vetë, hyjnë e dalin pa probleme", tha Berisha

Po ashtu Berisha e akuzoi sërish Bashën se ai është një kopje e ministrit të Brendshëm, Taulant Balla, pasi ky i fundit dhe Rama i kanë mbyllur dosjen e financimeve ruse.

“Të quash opozitë Taulant Ballën mos bëj gabim. Lul Basha më së paku është identik me Ballën. Ju e ndoqët gazetaren britanike mbrëmë çfarë tha? Një nga ata të katërt të investigimit, gazetari britanik tha: Bashës ia mbylli dosjen e ëmbëlsirave ruse një zyrtar i lartë i FBI që sot është në vështirësi, McGonigal. Unë kam shtruar një pyetje. Më thoni një rast të vetëm që kur ka dalë rasti McGonigal, që Basha të jetë shprehur për të. Të gjithë janë shprehur përveç Bashës, Lylit. E falënderoj gazetarin se dosjen ruse ia mbyllën Balla me Ramën. A mori a jo para nga McGonigal nuk e di, por si ka mundësi që ky njeri i cili po hetonte, ku tani pas 2 vitesh nuk e shqiptonbte emrin e tij sepse ishte peng”, tha Berisha./CNA





Lajmet e fundit nga