E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Shehu “nxjerr zbuluar” Ramën/ Ka dalë nga vetja, suksesin e ka vetëm te “thesi” me euro e dollarë

26 Prill 2023, 17:03, Politikë CNA

Shehu “nxjerr zbuluar” Ramën/ Ka dalë nga vetja, suksesin

Ish-zëvendës ministri i Financave, Sherefedin Shehu

Ish-zëvendës ministri i Financave, Sherefedin Shehu, ka bërë një thirrje të fortë për qytetarët, teksa ka reaguar për sulmet e kryeministrit Edi Rama dhe kryebashkiakut të Tiranës, Erion Veliaj për kandidatët e koalicionit “Bashkë Fitojmë”.

Me anë të një statusi në rrjetet sociale, Shehu thotë se qytetarët nuk duhet t’i besojnë “thesit” të kreut të qeverisë, pasi pretendon se ai ka dalë nga vetja për shkak se nuk e ka të sigurt fitoren.

Ai deklaron se kryeministri e ka suksesin vetëm te droga, betonizimi, inceneratorët, plehrat që mbulojnë rrugët dhe uji i papijshëm.

Sipas tij, me këtë qeverisje të keqe Rama dhe Veliaj kanë mbushur thasët e tyre me euro dhe dollarë.

Statusi i plotë:

Të Dashur Qytetarë!

Mos i besoni “thesit” të Ramës!

Rama dhe Veliaj gjithë ditën vetëm shajnë dhe përçmojnë kandidatët për Kyetarë Bashkie të Partisë Demokratike të vërtetë, megjithëse ata janë më të mirët dhe “pa cene”. Dhe para se të fillojnë sharjet ata thonë se ne na do populli dhe e kemi të marrë. Por, çehrja dhe gjuha e tyre i bën që të duken si “të marrë” dhe kur flasin dalin jashtë kontrollit të vetëvehtes. Këtë e bazoj jo vetëm në atë që shikoj, por edhe në logjikën e thjeshtë mbasi ata po ta kishin fitoren “në xhep” nuk do të silleshin ashtu, por do të bënin një fushatë pozitive. Aq më tepër që këta që qeverisin Tiranën për 19 vjet dhe Shqipërinë për 10 vjet vërtet që do ta kishin “të marrë” po të kishin histori suksesi.

Por suksesi i tyre në qeverisjen qendrore dhe lokale është vetëm droga, betonizimi, incineratorët, plehrat që mbulojnë rrugët, uji i papijshëm që vjen pas darke dhe shumë të zeza të tjera. Dhe me këtë qeverisje të keqe ata vetëm kanë mbushur thasët e tyre me euro dhe dollarë.

Të dashur Vëllezër dhe Motra!

Thesi i eurove dhe dollarëve të Ramës ka filluar të hapet jo vetëm me tendera, por edhe me para në dorë. Dhe për të parë këtë nuk duhen shumë mend. Shikoni kursin e këmbimit se si “leku po i dhjet t’ëmën euros dhe dollarit” edhe pse rritja ekonomike e Shqipërisë është më e ulët se në vitin e kaluar dhe eksportet shqiptare, sipas INSTAT, kanë rënë ndjeshëm në krahasim me vitin e kaluar.

Prandaj vëllezër dhe motra mendoni me qetësi për veten dhe për Shqipërinë. Suksesi i Ramës është vetëm tek thesi i eurove dhe dollarëve dhe ca lakej të vegjël që vetëm mund të prishin punë. Mos i besoni Ramës! Se pastaj "puthuni me Milon" deri në zgjedhjet tjera mbasi Ramës nuk ja ndjen fare për ju./ CNA.al