E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Vendosja e posterave të partive/ PS, letër KQZ-së: Janë në përputhje me Kodin Zgjedhor

25 Prill 2023, 19:57, Politikë CNA

Vendosja e posterave të partive/ PS, letër KQZ-së: Janë

Partia Socialiste i ka kthyer përgjigje KQZ-së lidhur me vendosjen e postareve elektoralë në Tiranë dhe në qytete të tjera.

Sekretari për Çështjet Ligjore dhe Zgjedhore në PS, Eridian Salianji ka sqaruar nëpërmjet një shkresekryekomisionerin Ilirjan Celibashi se posterat janë afishuar në kuadër të marrëveshjeve kontraktuese, të bëra nga Partia Socialiste me subjekte tregtare që operojnë në këtë fushë.

PS ka theksuar se vendosja e posterave është bërë në përputhje me kodin zgjedhor.

“Lidhur me pikën e parë ju informojmë se posterat janë afishuar në kuadër të marrëveshjeve kontraktuese, të bëra nga Partia Socialiste me subjekte tregtare që operojnë në këtë fushë dhe nuk janë përfituar në kuadër procesit të shpëmdarjes proporcionale të bërë sipas përcaktimeve të nenit 79 të Kodit Zgjedhor si dhe të udhëzimit nr.6, datë 23.3.2021, të Komisionerit Shtetëror të Zgjedhjeve. "Për përdorimin e materialeve propagandistike e edukuese dhe rregullat për afishimin e tyre gjatë fushatës zgjedhore" . Informacionet e mëtejshme lidhur me procedurat e ndjekura për këtë kontraktim do i bëhen të ditura institucionit tuaj në kuadër të dërgimit të raporteve të detajuara financiare brenda afateve të përcaktuara Kodi Zgjedhor dhe ligji nr 8580, datë 17.2.2000 "Për partitë politike", i ndryshuar.

- Sa i përket kërkesës së dytë, ju informojmë se në secilin prej posterave reklamues të afishuar është vendosur në mënyrë të qartë dhe të dukshme logo dhe emri i subjektit zgjedhor, Partia Socialiste e Shqipërisë, si subjekt që ka porositur edhe afishimin e këtyre posterave reklamues”, thekson Sekretari për Çështjet Ligjore dhe Zgjedhore në PS, Eridian Salianji.

Gjatë mbledhjes së sotme të KQZ-së, ky institucion raportoi për disa denoncime në lidhje me ato që u cilësuan materiale propagandistike. KQZ i ka afat PS-së që brenda 48 orëve t’i vendoste në dispozicion marrëveshjet kontraktuese, të bëra nga socialistet me subjekte tregtare./CNA.al