web counter
LEXO PA REKLAMA!

SHKARKO APP

App Store
Google Play

E fundit!

x

Rama vijon me të njëjtin refren/ Nuk i shqitet “zorrës qorre” në takimet elektorale

25 Prill 2023, 16:56, Politikë CNA

Rama vijon me të njëjtin refren/ Nuk i shqitet “zorrës

Kryeministri Edi Rama ka zhvilluar një takim elektoral me banorët e Roskovecit, ku ka prezantuar edhe kandidatën dhe kryebashkiakën aktuale të Roskovecit, Majlinda Bufi.

Kryeminstri, ashtu sikurse edhe në takimet e tjera duket se e ka kthyer në refren cilësimin e opozitës me epitetin “zorra qorre”.

Edhë në Roskovec ai i është drejtuar qytetarëve duke thënë se opozita është "zorra qorre" dhe kandidatët që dalin prej saj janë kandidatë që nuk i “tret dot askush”.

“Ata janë zorra qorre e Shqipërisë dhe kandidat kushdo qoftë këtu kanë dalë nga zorra. Janë kandidatë që kush i ha nuk i tret dot. Ne nuk mund të kthehemi më mbrapa, ata e kanë mbajtur Shqipërinë peng e kanë kthyer pas”, shprehet Rama.

Për sa i përket krybashkiakës, Majlinda Bufit, ai tha se nuk është aspak e nevojshme për të bërë fushatë në Roskovec pasi suksesi është i padiskutueshëm.

“Këtu nuk duhet të kishte fare fushatë. Suksesi i bashkisë së Roskovecit është padiskutim suksesi i Majlindës dhe mbështetjes që ajo ka marrë në Tiranë nga qeveria. Është shumë e rëndësishme që pushteti vendor të punojë që të marrë financime nga qeveria”, tha ai./CNA.al

 





Lajmet e fundit nga