web counter
LEXO PA REKLAMA!

SHKARKO APP

App Store
Google Play

“Do të çel një kapitull të ri”/ Agron Duka: Jemi të bindur për suksesin e Igli Carës

25 Prill 2023, 16:28, Politikë CNA

“Do të çel një kapitull të ri”/ Agron Duka:

Kryetari i Partisë Agrare Ambientaliste, Agron Duka, ka folur pozitivisht mbi kandidimin e Igli Carës për Bashkinë Durrës nën logon e koalicionit "Bashkë Fitojmë" duke e konsideruar si një kandidaturë potente në këtë qytet.

Ai është shprehur i sigurt që 14 maji do sjellë ndryshim dhe rrotacion, sidomos në 3 bashkitë kryesore të vendit Tiranë, Durrës dhe Elbasan.

"Siç mund ta keni ndjekur, unë bashkë me strukturat e Partisë Agrare Ambientaliste kemi mbështetur Igli Carën qysh në momentet e para të daljes së tij si kandidat, pra, shumë kohë përpara se sondazhet t’i jepnin atij atë peshë që unë di që ka tek elektorati i Durrësit.

Tani që na ndajnë pak javë nga dita e zgjedhjeve, jemi edhe më të bindur për suksesin e Carës sepse me urtësi arriti të thurë një rrjet marrëdhëniesh me gjithë faktorët opozitarë të Durrësit, duke pasur parasysh klimën brenda opozitës, kjo është një vepër jo e vogël, tregues i një politikani që di të ndërtojë ura bashkëpunimi të dobishme për ta drejtuar Durrësin jashtë stanjacionit, në të cilin ndodhet.

Ka personalitetin, pjekurinë dhe ndershmërinë që i duhen qytetit për të çelur një kapitull të ri pas 23 vitesh përqendrimi të pushtetit në fare pak duar", është shprehur Duka./CNA.al

 

 





Lajmet e fundit nga