web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj nuk i ndahet Berishës/ Harron shkopin e Salianjit ndaj demokratëve

25 Prill 2023, 11:05, Politikë CNA
Alibeaj nuk i ndahet Berishës/ Harron shkopin e Salianjit ndaj
Kreu i komanduar i PD-së, Enkelejd Alibeaj

Kreu i komanduar i PD-së, Enkelejd Alibeaj, nuk i ndahet ish-kryeministrit Sali Berisha, duke e akuzuar për përçarjen e PD-së.

Gjatë takimit elektoral në Tepelenë, Alibeaj kujton 8 janarin, protestën dhe shprehet se Berisha mori kazmën për t’i rënë PD-së.

Por mesa duket, Alibeaj ka harruar deputetin Ervin Salianji, i cili në 8 janar në seli priste demokratët me shkop bejsbolli.

Gjithashtu duket se ka harruar edhe ish-shefin e tij, Lulzim Bashën, i cili dhunoi demokratët po në të njëjtën ditë, pasi kërkoi që të hynin në shtëpinë e tyre.

“Po, ne nuk arritëm dot nga 2013 të ishim vërtetë PD që dikur mendohej, partia e shpresës, partia e lirisë, partia e njerëzve intelektualë, partia e biznesit, e rinisë që do të sillte atë që do të ishte shpresa, kthimi i syve nga perëndimi. Dikur 33 vite më parë kështu ka qenë parë Partia Demokratike, por sot jo. Të paktën deri 2 vite me parë. Sepse nuk arritëm dot të benim pikërisht atë, spastrimin tonë. Një parti politike dhe profilet politike të forta, qofshin ata liderë historikë, kanë lindjen e rritjen dhe si cdo gjë tjetër në këtë botë dhe largimin për t'u lënë hapësirë të tjerëve, qarkullimit të elitave.

Jo, e asfiksuar PD-ja. Cili ishte shpërblimi? Që shqiptarët na mbështetën në 2021-shin, por jo mjaftueshëm sa për te zhbërë regjimin. Dhe ne duhet ta dimë. Një regjim sigurisht rrëzohet me votë, por një regjim nuk bën garë të ndershme, vjedh, shantazhon, bën presion, siç inxhinieri tha. Dhe tani po bëjnë presion ndaj njerëzve.

Ndaj mënyra e vetme është që të jemi joshës, të përmbledhim sa më shumë njerëz që nuk e duan këtë qeveri dhe më rezulton që shumica e shqiptarëve nuk e do ketë qeveri dhe vetëm një masë e madhe kritike njerëzish duke marrë përpara këtë regjim që edhe vjedhjet, shantazhet, përdorimi i administratës të mos i dalë dhe të mos i japë fitoren. Kjo është zgjidhja. Në fakt, siç e bëri dikur në '92-shin PD-ja. Një lëvizje e madhe kundër ish-komunistëve, në '92 rezultoi rrëzimi i regjimit.

Shqiptarët ishin në atë kohë, shqiptarët janë dhe tani. Ka vetëm një gjë. PD duhet të jetë dhe të kthehet përsëri si shpresa e njerëzve dhe të jemi të besueshëm te njerëzit. Kjo është gjëja që kemi në dorë ne. Duam ta bëjmë. Nëse nuk duam ta bëjmë është veç faji ynë. Dhe çfarë ka ndodhur në këtë një vit e gjysmë. Pavarësisht së një situatë e vështirë, me sakrifica, por unë dua të shoh pjesën tjetër që është pozitive. PD si asnjë parti tjetër në lindje, ka arritur të tregojë në këtë 1 vit e gjysmë që ka fuqi brenda vetes që të bëjë një pastrim, një distancim nga ajo pjesë e vetja që nuk i bën nder, përfaqësuar nga Sali Berisha. Është e thjeshtë kjo.

E vonuar ishte, mori shkak nga një ngjarje që ishte dizajnimi si 'non grata' i tij, për këtë nuk kemi meritë ne, merita jonë qëndron te qëndresa. Ka qenë periudhë shumë e vështirë për ne dhe për të gjithë ju që keni qëndruar. Sepse kemi qenë para një dileme të madhe, a t'i qëndrojmë kultit të individit dhe t'i rrimë afër atij pavarësisht se SHBA-ja dhe më pas edhe Mbretëria e Bashkuar e kishin nxjerrë si 'non grata', por ama do të kishim nje kosto të madhe. PD do të izolohej ndërkombëtarisht. Asnjë derë nuk do hapej për ne. Partia që lindi pas 50 viteve izolim të Shqipërisë.

Do shndërroheshim tamam në një bunker. Zgjedhja tjetër ishte të ruanim PD-në, orientuar nga perëndimi me aleatë SHBA-në, Mbretërinë e Bashkuar dhe BE-në dhe me koston që të largonim atë që ishte një problem shkaktuar prej tij, Sali Berishës. I cili në fillim tha do ta zgjidh në mënyrë personale, nuk do të përfshij demokratët. Kështu tha? Është çështje personale, do ta zgjidh në mënyrë personale, nuk do të përfshijë demokratët.

Ishte në fillim qëndrim fisnik prej burri shteti. Çfarë ndodhi? Mori kazmën. Mori kazmën për t'i rënë PD-së, fizikisht. Më 8 janar e mbani mend? Dhe përse e bëri këtë? E bëri sepse donte të përdorte PD-në si bunker. Kini parasysh që SHBA-ja nuk e kishte thjeshtë dhe vetëm me Sali Berishën dhe u bë vetëm për atë", tha Alibeaj./ CNA.al





Lajmet e fundit nga