web counter
LEXO PA REKLAMA!

SHKARKO APP

App Store
Google Play

Projekti për shmangien e trafikut/ Veliaj: Nënkalimi te sheshi “Skënderbej”, gënjeshtër

24 Prill 2023, 18:13, Politikë CNA
Projekti për shmangien e trafikut/ Veliaj: Nënkalimi te sheshi
Kryetari i Bashkisë së Tiranës, Erion Veliaj

Ditët e fundit kandidati i opozitës për Tiranën, Belind Këlliçi prezantoi projektin që shmang trafikun në kryeqytet, duke ndërtuar një nënkalim te sheshi “Skënderbej”.

Për këtë projekt foli sot kryetari i Bashkisë së Tiranës, njëherësh kandidati i PS-së në zgjedhjet e 14 majit, Erion Veliaj.

Gjatë një takimi me banorë të lagjes Nr. 14, Veliaj e cilësoi këtë premtim si gënjeshtër.

“Ne këto gënjeshtra me mbikalime me nënkalime i pamë këtu tek Astiri. Ja këtu i kishim nënkalimet. Po ishin dashnorë nënkalimesh ata na kishin lënë të punonim. A ju kujtohet “Zogu i Zi”? Edi Rama e bëri nënkalimin aty, gjëja e parë që shkatërruan. Dhe në qoftë se doni të dini se çfarë gropash i bëjnë këta qendrës së Tiranës, mjafton të kujtoni gropën e Hajdin Sejdisë që e lanë 30 vjet aty”, u shpreh ai.

Kryebashkiaku i Tiranës përmendi firmat piramidale, teksa pretendoi se e njejta gjë do të ndodhë edhe me nënkalimet.

“Kështu thoshte dhe Saliu në ‘97 dhe e pamë çfarë fituam të gjithë. Noc Rrokun fituam të gjithë. Sepse të gjithë dhanë kursimet e tyre, dhanë apartamentet e tyre, dhanë gjithçka që kishin dhe pastaj Sudja mbylli qepenin. Sot Sudja nuk është me fustan, sot Sudja është me pantallona, por janë e njëjta racë”, shtoi ai./ CNA.al





Lajmet e fundit nga