web counter
LEXO PA REKLAMA!

SHKARKO APP

App Store
Google Play

E fundit!

x

Premtimet e Roland Bejkos/ “Do të shtoj parkingjet publike”

24 Prill 2023, 14:44, Politikë CNA
Premtimet e Roland Bejkos/ “Do të shtoj parkingjet publike”
Roland Bejko

Kandidati i PD-së së Enkelejd Alibeajt, Roland Bejko, ka zhvilluar një takim me qytetarët e njësisë numër pesë në Tiranë ku është përballur me problematikat që hasin qytetarët e kësaj njësie.

Mungesa e hapësirave publike, mungesa e vendparkimeve dhe taksat duket se janë shqetësime aktuale dhe munduese për qytetarët e kësaj njësie.

“Njësia 5 në Tiranë është ndër më të populluarat, por gjithashtu mbart shumë probleme, që lidhen me mungesën e hapësirave publike, mungesën e parkimit dhe taksat.

Në një takim që mbajta me banorë të kësaj zone, u njoha me problemin e madh të mungesës së hapësirave publike, dhe problemi akut i parkingjeve.

Banorët denoncuan Bashkinë Tiranë, se po rrëmben edhe pjesë nga Parku i Liqenit, duke ua bërë më të vështirë jetesën dhe uzurpuar hapësirat publike për ndërtime nga oligarkët”, shkruan Bejko.

Gjithashtu ai ka shtuar se vota e tyre do të sjellë ndryshimin.

“Ju premtova se vota e tyre sjell ndryshim! Duke filluar nga parkimet dhe hapësirat e gjelbërta, ekipi jonë ka hartuar një program që do të shtojë ndjeshëm parkingjet publike në mandatin e parë dhe ndërtojë një park të ri, në çdo lagje, si një domosdoshmëri për një qytet të pastër dhe me #frymëmarrje për Tiranën”, vijon më tej Bejko./ CNA.al





Lajmet e fundit nga